ءورت تۋرالى حابارلاما وبلىستىق 112 قىزمەتىنە كەلىپ تۇسكەن.
وقيعا ورنىنا جەتكەن العاشقى ءورت ءسوندىرۋ بولىمشەلەرى جاۋاپكەرشىلىگى شەكتەۋلى سەرىكتەستىك اۋماعىندا باستىرما مەن پرەستەلگەن ءشوپتىڭ اشىق جالىنمەن جانىپ جاتقانىن انىقتاعان.
- ءورتتى سوندىرۋگە ت ج م بولىمشەلەرى، ورمان شارۋاشىلىعى قىزمەتكەرلەرى، «اۋىل قۇتقارۋشىلارى» ەرىكتىلەرى، سونداي-اق قورعانىس مينيسترلىگى مەن جەرگىلىكتى اتقارۋشى ورگانداردىڭ كۇشتەرى قاتىستى، - دەپ حابارلادى ۆەدومستۆو.
جۇمىلدىرىلعان كۇشتەردىڭ بىرلەسكەن ارەكەتىنىڭ ناتيجەسىندە ءورت تولىق ءسوندىرىلدى.
وقيعادان زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر.
توتەنشە جاعدايلار مينيسترلىگى ازاماتتار مەن اۋىل شارۋاشىلىعى نىساندارىنىڭ باسشىلارىن ءورت قاۋىپسىزدىگى تالاپتارىن قاتاڭ ساقتاۋعا، اسىرەسە ءشوپ پەن باسقا دا تەز تۇتاناتىن ماتەريالداردى ساقتاۋ كەزىندە ساقتىق شارالارىن كۇشەيتۋگە شاقىردى.
ايتا كەتەيىك، بۇعان دەيىن ۇلىتاۋ وبلىسىنىڭ ساتبايەۆ قالاسىندا جەكە تۇرعىن ءۇيدىڭ اۋلاسىندا جينالعان 100 بۋما ءشوپ ورتەنگەن ەدى. ءورت تولىق ءسوندىرىلىپ، زارداپ شەككەندەر تىركەلمەگەن.