تۇركىمەنستان اۋعانستانمەن شەكارادا جاڭا تەمىرجول كوپىرىن ىسكە قوستى
استانا. KAZINFORM - تۇركىمەنستان پرەزيدەنتى سەردار بەردىمۇحامەدوۆ پەن تۇرىكمەن حالقىنىڭ ۇلتتىق كوشباسشىسى، حالىق ءماسليحاتىنىڭ ءتوراعاسى گۋربانگۋلى بەردىمۇحامەدوۆ تۇركىمەنستاننىڭ سەرحەتابات قالاسىن (بۇرىنعى كۋشكا قالاسى) اۋعانستاننىڭ تۋرگۋندي قالاسىمەن بايلانىستىراتىن 177 مەترلىك تەمىرجول كوپىرىنىڭ اشىلۋىنا قاتىستى.
كوپىر تۋرگۋندي ستانساسىنىڭ وتكىزۋ قابىلەتىن، ونىڭ ەكى ەلدىڭ تاۋار اينالىمى ءۇشىن ماڭىزىن ارتتىرادى. سونداي-اق، كونتەينەرلەر مەن باسقا دا ترانزيتتىك جۇكتەردى اۋىستىرىپ تيەۋ ءۇشىن «قۇرعاق پورت» ۇلگىسىندەگى قويما كەشەنىن سالۋ جوسپارلانعان.
كوپىردى ىسكە قوسۋ «سولتۇستىك- وڭتۇستىك» ءدالىزىنىڭ شىعىس باعىتىن دامىتۋعا كىرەتىن تۋرگۋندي- گەرات باعىتى بويىنشا اۋقىمدى تەمىرجول ماگيسترالىنىڭ ماڭىزدى كەزەڭى بولادى.
بۇعان دەيىن حابارلاعانىمىزداي، قازاقستان مەن تۇركىمەنستان گاز سالاسىنداعى ىنتىماقتاستىقتى كەڭەيتۋ تۋرالى كەلىستى.
اۆتور
ەركەجان سماعۇلوۆا