ماڭىزدى شارا ازىق-تۇلىك قاۋىپسىزدىگى جونىندەگى يسلام ۇيىمىنىڭ قولداۋىمەن ۇيىمداستىرىلدى.
مينيسترلىك وكىلدەرى انكارا جانە كونيا قالالارىنداعى بەيىندى مەكەمەلەر مەن ونەركاسىپتىك كاسىپورىندارعا بارىپ، تۇركيانىڭ اگروونەركاسىپتىك كەشەندى تەحنولوگيالىق تۇرعىدان دامىتۋ تاسىلدەرىمەن تانىستى.
انكارا قالاسىندا دەلەگاتسيا مۇشەلەرى اۋىل شارۋاشىلىعىندا قولدانىلاتىن سيفرلىق قۇرالداردىڭ مۇمكىندىكتەرىمەن تانىستى.
تۇركيانىڭ اۋىل جانە ورمان شارۋاشىلىعى مينيسترلىگىنىڭ وكىلدەرى ۆەدومستۆونىڭ اقپاراتتىق جۇيەلەرى تۋرالى جان-جاقتى بايانداپ، سالانى سيفرلىق ترانسفورماتسيالاۋدىڭ نەگىزگى باعىتتارىنا ايرىقشا نازار اۋداردى.
ال، كونيا قالاسىندا عىلىمي زەرتتەۋلەرگە جانە زاماناۋي اگروتەحنولوگيالاردى وندىرىسكە ەنگىزۋگە باسىمدىق بەرىلدى. توپىراق تانۋ، سۋ رەسۋرستارى جانە شولەيتتەنۋگە قارسى كۇرەس جونىندەگى عىلىمي- زەرتتەۋ ينستيتۋتىندا زەرتتەۋ جۇمىستارىن ۇيىمداستىرۋ تاسىلدەرى مەن ولاردىڭ ناتيجەلەرىن اۋىل شارۋاشىلىعى وندىرىسىندە ءىس جۇزىندە قولدانۋ تاجىريبەسىنە باسا كوڭىل ءبولىندى.
سونىمەن قاتار دەلەگاتسيا اۋىل شارۋاشىلىعى تەحنيكاسى مەن ونەركاسىپتىك قوزعالتقىشتار شىعاراتىن كاسىپورىنداردىڭ وندىرىستىك ۇدەرىستەرىمەن تانىستى. قازاقستاندىق تاراپقا ءوندىرىستى ۇيىمداستىرۋ ەرەكشەلىكتەرى جانە تۇرىك كومپانيالارىنىڭ ماشينا جاساۋ سالاسىنداعى تاجىريبەسى تۋرالى ايتىلدى.
اتالعان باعىتتار بويىنشا ءوزارا ءىس- قيمىلدى دامىتۋ كاسىبي ءبىلىم مەن تاجىريبە الماسۋعا، زاماناۋي تەحنولوگيالاردى ەنگىزۋگە جانە اۋىل شارۋاشىلىعى سالاسىنداعى قازاقستان مەن تۇركيا اراسىنداعى ىنتىماقتاستىقتى نىعايتۋعا ىقپال ەتەدى.