استانا. KAZINFORM - تۇركيانىڭ يزمير پروۆينتسياسىنىڭ توربالى اۋدانىنداعى مەيرامحانادا بولعان جارىلىس سالدارىنان الدىن الا مالىمەت بويىنشا بەس ادام قازا تاۋىپ، تاعى 57 ادام جاراقات الدى، دەپ حابارلايدى ازەرتادج اقپارات اگەنتتىگى.
اگەنتتىك مالىمەتىنشە، ءورت سوندىرۋشىلەر ايراندجيلار ورامىندا ورنالاسقان مەيرامحاناداعى ءورتتى اۋىزدىقتادى.
تۇركيا ادىلەت مينيسترلىگىنىڭ باسشىسى يىلماز تۋنچ الەۋمەتتىك جەلىدە حابارلاعانىنداي، جەرگىلىكتى ۋاقىت بويىنشا ساعات 14:43 تە بولعان قايعىلى وقيعانىڭ سەبەپتەرى انىقتالىپ جاتىر.
دارىگەرلەردىڭ ايتۋىنشا، زارداپ شەككەندەردىڭ كەيبىرىنىڭ جاعدايى اۋىر.
يزمير گۋبەرناتورى سۇلەيمان ەلبان جۋرناليستەرگە جارىلىستان اينالاداعى 11 عيماراتتىڭ زاقىمدالعانىن ايتتى.
بيلىك وكىلدەرى وقيعاعا گازدىڭ جارىلۋى سەبەپ بولعانىن جوققا شىعارمايدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.