تۇركيانىڭ وڭتۇستىك-باتىس، وڭتۇستىك-شىعىس پروۆينتسيالارىندا اپتاپ ىستىق بولىپ جاتىر

ىستامبۇل. KAZINFORM - تۇركيالىق سينوپتيكتەردىڭ بولجاۋىنشا، شىلدە-تامىز ايلارىندا بۇكىل تۇركيادا اۋا تەمپەراتۋراسى سەلسي بويىنشا 43+ گرادۋسقا دەيىن كوتەرىلىپ، رەكوردتىق كورسەتكىشكە جەتۋى مۇمكىن.

تۇركيادا وتكەن اپتادا اپتاپ ىستىق بولدى. ودان كەيىن ىستامبۇلدا اۋا تەمپەراتۋراسى 41+ گرادۋسقا دەيىن كوتەرىلدى.

مۇنداي ىستىق اۋا رايى سوڭعى 85 جىلداعى رەكورد رەتىندە تىركەلدى. مەتەورولوگتاردىڭ مالىمەتىنشە، 1938-جىلى ەڭ جوعارى جىلۋ 40+ گرادۋس سەلسي بولعان.

ال، انتاليا كۋرورتىندا اۋا تەمپەراتۋراسى قازىردىڭ وزىندە 37+ گرادۋسقا دەيىن كوتەرىلسە، ەلدىڭ باتىسىندا - يزمير وبلىسىندا 36+ گرادۋسقا دەيىن كوتەرىلدى.

ىستىقتىڭ كەسىرىنەن تۇندە دە تۇرىك جاعاجايلارى تۋريستەر مەن جەرگىلىكتى تۇرعىندارعا تولدى.

تۇركيانىڭ وڭتۇستىك-شىعىس بولىگىندە تەرمومەترلەر قازىر رەكوردتى جاڭارتىپ جاتىر. شانلىۋرفا پروۆينتسياسىندا اۋا تەمپەراتۋراسى 49+ گرادۋسقا دەيىن كوتەرىلدى. ادامدار كولەڭكەدە تىعىلىپ، سۋبۇرقاقتار مەن باسقا دا سۋ ايدىندارىندا شومىلۋدا.