انكارا. KAZINFORM - تۇركيانىڭ كاحرامانماراش ايماعىندا جەر سىلكىنۋىنەن زارداپ شەككەن اۋىلداردا بولات قاڭقادان سالىنعان العاشقى ۇيلەر 6-اقپاندا تاپسىرىلادى.
بۇل تۋرالى تۇركيانىڭ قورشاعان ورتا، قالا دامۋى جانە كليماتتىڭ وزگەرۋى ءمينيسترى مەحمەت وجاسەكي Instagram الەۋمەتتىك جەلىسىندەگى پاراقشاسىندا ءمالىم ەتتى. مينيستر اۋىل ۇيلەرىنىڭ سۋرەتىن جۇكتەگەن.
«بولاتتان سالىنعان اۋىل ۇيلەرىن بەرۋدىڭ ءبىرىنشى كەزەڭىن باستايمىز. سوڭعى 6 كۇن قالدى»، - دەپ جازدى ول.
وتكەن جىلى 6-اقپاندا تۇركيانىڭ وڭتۇستىك- شىعىسىنداعى گازيانتەپ پروۆينسياسىندا 6,4-6,6 ماگنيتۋدالى، كەيىن 7,4 ماگنيتۋدالى قۋاتتى جەر سىلكىنىسى بولعان ەدى.
جەراستى دۇمپۋلەرى ەلدىڭ 10 پروۆينسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан