سيريانى 24 جىل باسقارعان باشار اساد بيلىگى قۇلاتىلعان سوڭ تۇركياداعى سيريالىق بوسقىندار ەلىنە جاپپاي قايتا باستادى. بۇل تۋرالى Qazaqstan.tv جازدى.
حالىقتىڭ كەدەرگىسىز ءوتۋى ءۇشىن تۇركيانىڭ شىعىسىندا 10 جىلدان اسا جابىق تۇرعان بىرنەشە شەكارا بەكەتى قايتا اشىلدى. تۇركيا ىشكى ىستەر مينيسترلىگىنىڭ حابارلاۋىنشا، شەكارادان وتۋگە نيەت بىلدىرگەندەر سانى سوڭعى كۇندەرى 5 ەسەگە دەيىن وسكەن.
رەسمي دەرەكتەرگە ساي ازاماتتىق سوعىستان قاشىپ تۇركيانى پانالاعان سيريالىق بوسقىندار سانى 3 ميلليوننان اسادى.
ەسكە سالا كەتەيىك، بۇعان دەيىن تۇرىك تاراپى تۇركيادا تۇراتىن سيريالىق بوسقىنداردىڭ وتانىنا امان- ەسەن ورالۋى ءۇشىن بار كۇش- جىگەرىن سالاتىنىن جازعان بولاتىنبىز.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.