تۇركياداعى جوعارى ينفلياتسيا تۋريستەردىڭ قالتاسىن قاعۋدا

استانا. KAZINFORM - نەمىس تۋريستەرى ءۇشىن تۇركيا باستى باعىتتاردىڭ ءبىرى بولىپ كەلدى. الايدا تۇركياداعى ينفلياتسيا قارقىنى بۇل جاعدايدى وزگەرتتى.

بۇل تۋرالى Kazinform-نىڭ مەنشىكتى ءتىلشىسى حابارلادى.

گەرمانيانىڭ فەدەرالدى ستاتيستيكالىق دەپارتامەنتىنىڭ مالىمەتىنشە، تۇركياعا تۋريستىك پاكەتتەردىڭ قۇنى وتكەن جىلى %9 - دان اسىپ، بۇل ەۋروپا بويىنشا تۋريستىك پاكەتتەر باعاسىنىڭ ورتاشا وسىمىنەن %5,7 - دى قۇرادى.

تۇركياداعى جوعارى ينفلياتسيا اسىرەسە تۋريستىك ايماقتارداعى قىزمەتتەر مەن تاۋارلار قۇنىنىڭ كۇرت وسۋىنە اكەلدى. بۇل تەك جەرگىلىكتى تۇرعىندارعا عانا ەمەس، سونىمەن قاتار شەتەلدىك تۋريستەرگە دە اسەر ەتۋدە.

نەمىس تۋريستەرىنىڭ اراسىندا تۇركياعا دەگەن قىزىعۋشىلىقتىڭ تومەندەگەنى سونشالىق، ەل ارتىقشىلىعى باسىم ەلدەر تىزىمىندە ۇزاق مەرزىمدى كوشباسشىلىق پوزيتسياسىن جوعالتتى. ونىڭ ورنىنا نەمىستەر يسپانيا نەمەسە گرەتسيا سياقتى قول جەتىمدى ەۋروپالىق باعىتتاردى كوبىرەك تاڭداي باستادى.

تۋريستىك سەكتوردان باسقا، ينفلياتسيانىڭ ءوسۋى جەرگىلىكتى تۇرعىندارعا ۇلكەن قىسىم جاسادى. تۇركيانىڭ كوشى-قون باسقارماسىنىڭ مالىمەتى بويىنشا، ەكونوميكالىق جاعدايدىڭ ناشارلاۋىنا بايلانىستى جەكەلەگەن ازاماتتار جاقسى ءومىر ءسۇرۋ جاعدايىن ىزدەپ ەلدەن كەتەدى.

گەرمانيا، رەسەي جانە تاياۋ شىعىس ەلدەرى قىزىعۋشىلىعىنىڭ تومەندەۋىنە قاراماستان، ازيادان كەلگەن ساياحاتشىلاردىڭ ارقاسىندا تۇركياعا جالپى تۋريستىك اعىم وسۋدە. 2022-2024 -جىلداردا جاپوندىق تۋريستەر سانى 34,9 - عا، قىتايلىقتار )2,9 - عا، فيليپپيندىك تۋريستەر U,7 - عا ءوستى.

بۇل ءوسۋ پاندەميادان كەيىن حالىقارالىق تۋريزمنىڭ قالپىنا كەلۋىمەن جانە تۇركيانىڭ ازيا ەلدەرى ءۇشىن باعىت رەتىندە تانىمال بولۋىمەن تۇسىندىرىلەدى.

تۇرىك بيلىگى مۇنداي جاعدايدا ەكىجاقتى سىناققا تاپ بولدى. ءبىر جاعىنان، ەكونوميكالىق تۇراقسىزدىققا بايلانىستى ەۋروپالىق تۋريستەردى تارتۋ قيىنداي ءتۇستى، ال ەكىنشى جاعىنان، ازيا نارىقتارى جوعارى ءوسۋ الەۋەتىن كورسەتەدى. تۋربيزنەس سالاسىنىڭ ماماندارى تۇركيانىڭ تۋريزمىن تۇراقتاندىرۋ ءۇشىن قول جەتىمدى دەمالىس نۇسقالارىن دامىتۋ جانە ەل ەكونوميكاسىن نىعايتۋ قاجەت دەپ بولجايدى.

بۇعان دەيىن وسى جىلدىڭ العاشقى 10 ايىندا انتالياعا 16 ميلليون 131 مىڭ 847 تۋريست كەلگەنىن، بۇل وتكەن جىلدىڭ سايكەس كەزەڭىمەن سالىستىرعاندا 8 پايىزعا ارتقانىن جازعانبىز. بۇل ءوسىم ايماققا دەگەن قىزىعۋشىلىقتىڭ تۇراقتىلىعىن جانە تۇرىك بيلىگىنىڭ شەتەلدىك قوناقتاردى تارتۋعا كۇش سالىپ جاتقانىن كورسەتەدى.

اۆتور

ەركەجان سماعۇلوۆا