تۇركيادا تەك قانا قازاقتار تۇراتىن اۋىل بار
انكارا. KAZINFORM - تۇركيانىڭ نيعدە ولكەسىندەگى ۇلىكىشلا اۋدانىندا تۇراتىن قازاقتار ءالى كۇنگە دەيىن سالت-ءداستۇرىن ۇمىتپاعان. وقىرمان نازارىنا انادولى اگەنتتىگىنىڭ تۇركياداعى قازاق اۋىلىنان جاساعان فوتورەپورتاجىن ۇسىنامىز.
1955-جىلى شىعىس تۇركىستاننان قونىس اۋدارىپ، نيعدەگە تۇراقتاعان قازاقتار ادەت-عۇرپىن سول كۇيىندە ساقتاپ، كۇندەلىكتى ۇستانىپ كەلەدى.
التاي تاۋلارى مەن سونىڭ توڭىرەگىنەن كوشىپ كەلگەندىكتەن ۇلىكىشلا اۋدانىندا وزدەرى ات باسىن تىرەپ، نەگىزىن قالاعان اۋىلعا التاي دەپ ات قويعان.
جەرگىلىكتى قازاقتار ءقازىر دە ۇلتتىق كيىمىن كيىپ، ۇلتتىق مۋزىكالىق اسپابى - دومبىرا شەرتىپ، توي- تومالاعى مەن ءجون-جورالعىسىن جاساپ، ەرەكشە ءداستۇرلى ءومىرىن جالعاستىرىپ وتىر.
165 شاڭىراقتان تۇراتىن التاي اۋىلى - تۇركياداعى تەك قانا قازاقتار مەكەندەيتىن جالعىز اۋىل.