تۇركيادا قازاقستان ازاماتى قازا تاپتى – س ءى م
10:08, 07 - ءساۋىر 2026
استانا. KAZINFORM - قازاقستان رەسپۋبليكاسىنىڭ سىرتقى ىستەر مينيسترلىگى 31-ناۋرىزدا ىستانبۇل قالاسىنىڭ فاتيح اۋدانىندا قازاقستان ازاماتى قازا تاپقانى تۋرالى حاباردار ەكەنىن مالىمدەدى.
- قازاقستان رەسپۋبليكاسىنىڭ سىرتقى ىستەر مينيسترلىگى 31-ناۋرىزدا ىستانبۇل قالاسىنىڭ فاتيح اۋدانىندا قازاقستان ازاماتىنا قاتىستى وقيعادان حاباردار. قازىرگى ۋاقىتتا تۇركيا رەسپۋبليكاسىنىڭ قۇزىرەتتى ورگاندارى قاجەتتى تەرگەۋ امالدارىن جۇرگىزىپ جاتىر، - دەلىنگەن حابارلامادا.
سونىمەن قاتار، ۆەدومستۆو ىستانبۇلداعى قازاقستاننىڭ باس كونسۋلدىعى مارقۇمنىڭ تۋىستارىنا بارلىق قاجەتتى كومەك كورسەتىپ جاتقانىن جانە ماسەلە تولىق باقىلاۋدا ەكەنىن ايتتى.
ەسكە سالا كەتەيىك، سامارا ماڭىنداعى جول اپاتىنان ەكى قازاقستاندىق قازا تاپقانىن جازدىق.