استانا. KAZINFORM - تۇركيانىڭ گازيانتەپ ايماعىندا 2023-جىلى بولعان جەر سىلكىنىسىنەن كەيىن مەملەكەت باسشىسى قاسىم-جومارت توقايەۆ سونداعى نۇرداعى اۋدانىنا قازاقستان اتىنان مەكتەپ سالىپ بەرۋ باستاماسىن كوتەرگەن. KazAID حالىقارالىق دامۋ اگەنتتىگى نىساننىڭ قۇرىلىسى ورتاسىنان اسقانىن حابارلادى.
- KazAID اگەنتتىگى تۇركياداعى 2023-جىلعى زاردابى قاتتى جەر سىلكىنىسىنەن زارداپ شەككەن حالىققا كومەكتەسۋ ءۇشىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ باستاماسىمەن قولعا الىنعان مەكتەپ قۇرىلىسى ايتارلىقتاي ىلگەرى جىلجىپ جاتقانىن حابارلايدى. مەكتەپ 960 ورىنعا ارنالعان. ونىڭ ىشىندە باستاۋىش مەكتەپتىڭ 32 سىنىبى، 4 مەكتەپكە دەيىنگى سىنىپ بار. قۇرىلىس جۇمىستارى ورتاسىنان استى. بەتون قاڭقاسى بوي كوتەرىپ، ىشكى-سىرتقى قابىرعالارى قالانىپ بولدى. قاسبەت جۇمىستارى مەن ينجەنەرلىك جەلى تارتۋ جۇمىستارى جالعاسىپ جاتىر، - دەپ جازىلعان رەسمي اقپاراتتا.
ەسكە سالساق، 2023-جىلدىڭ اقپان ايىندا تۇركيادا وراسان جەر سىلكىنىسى بولىپ، مىڭداعان ادام قازا تاپقان بولاتىن.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.