تۇركيادا قازاقستان اتىنان سالىنىپ جاتقان مەكتەپتىڭ قۇرىلىسى ورتاسىنان استى

استانا. KAZINFORM - تۇركيانىڭ گازيانتەپ ايماعىندا 2023-جىلى بولعان جەر سىلكىنىسىنەن كەيىن مەملەكەت باسشىسى قاسىم-جومارت توقايەۆ سونداعى نۇرداعى اۋدانىنا قازاقستان اتىنان مەكتەپ سالىپ بەرۋ باستاماسىن كوتەرگەن. KazAID حالىقارالىق دامۋ اگەنتتىگى نىساننىڭ قۇرىلىسى ورتاسىنان اسقانىن حابارلادى.

- KazAID اگەنتتىگى تۇركياداعى 2023-جىلعى زاردابى قاتتى جەر سىلكىنىسىنەن زارداپ شەككەن حالىققا كومەكتەسۋ ءۇشىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ باستاماسىمەن قولعا الىنعان مەكتەپ قۇرىلىسى ايتارلىقتاي ىلگەرى جىلجىپ جاتقانىن حابارلايدى. مەكتەپ 960 ورىنعا ارنالعان. ونىڭ ىشىندە باستاۋىش مەكتەپتىڭ 32 سىنىبى، 4 مەكتەپكە دەيىنگى سىنىپ بار. قۇرىلىس جۇمىستارى ورتاسىنان استى. بەتون قاڭقاسى بوي كوتەرىپ، ىشكى-سىرتقى قابىرعالارى قالانىپ بولدى. قاسبەت جۇمىستارى مەن ينجەنەرلىك جەلى تارتۋ جۇمىستارى جالعاسىپ جاتىر، - دەپ جازىلعان رەسمي اقپاراتتا.

ەسكە سالساق، 2023-جىلدىڭ اقپان ايىندا تۇركيادا وراسان جەر سىلكىنىسى بولىپ، مىڭداعان ادام قازا تاپقان بولاتىن.