تۇركيادا لاڭكەستىك ۇيىمعا قاتىسى بار دەگەن كۇدىكپەن 24 ادام ۇستالدى

استانا. KAZINFORM - تۇركيا باس پروكۋراتۋراسىنىڭ لاڭكەستىككە جانە ۇيىمداسقان قىلمىسقا قاتىستى قىلمىستاردى تەرگەۋ ءبولىمى ەلدىڭ بىرنەشە پروۆينتسياسىندا فەتو تەرروريستىك ۇيىمىنا (تۇركيادا تىيىم سالىنعان - رەد.) قاتىسى بار ادامداردى ۇستادى.

تۇركيانىڭ قاۋىپسىزدىك كۇشتەرى ەلدىڭ 9 پروۆينتسياسىندا جۇرگىزگەن ءىس-شارالار بارىسىندا فەتو (تۇركيادا تىيىم سالىنعان - رەد.) تەرروريستىك ۇيىمىنا قاتىسى بار 24 ادام ۇستالدى.

ونىڭ 14-ءى - تۇرىك قارۋلى كۇشتەرى قۇرلىق اسكەرلەرىنىڭ ساربازدارى. ءبىرى مەشىتتە يمام بولسا، ەكىنشىسى بۇرىن اسكەري ينستيتۋتتا وقىعان.

قالعان 8 ادام باسقا سالالاردا جۇمىس ىستەگەن.

بەلگىلى بولعانداي، ولار ادامداردى ءوز قاتارىنا جيناپ جۇرگەن.

ول ءۇشىن ولار فەتحۋللاح گيۋلەننىڭ «حيزمەت» قوزعالىسىنىڭ (تۇركيادا تىيىم سالىنعان - رەد.) يدەيالارىنا ادال ازاماتتاردى پايدالانعان.

سونىمەن بىرگە قازىرگى كەزدە قۇقىق قورعاۋ ورگاندارى ولاردىڭ جاقتاستارى مەن زاڭسىز ۇيىمعا قاتىسى بار باسقا ادامداردى انىقتاۋ جۇمىستارىن جۇرگىزىپ جاتىر.

اۆتور

زارينا تۋعانبايەۆا