تۇركيادا جاسى 50 دەن اسقان ادامدار اراسىندا اجىراسۋ جاعدايلارى كوبەيگەن
استانا. KAZINFORM - تۇركيادا جاسى 50 دەن اسقان ازاماتتار اراسىندا اجىراسۋ جاعدايلارى كوبەيگەن، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
تۇركيانىڭ ستاتيستيكا ينستيتۋتىنىڭ مالىمەتتەرىنشە، 2024 -جىلى جاسى 50 دەن اسقان ادامدار اراسىندا اجىراسۋ جاعدايلارى كوبەيگەن. سوڭعى ۋاقىتتا قاتتى بىلىنە باستاعان بۇل ءۇردىس قوعامنىڭ الەۋمەتتىك، مادەني ۇستانىمدارىنىڭ وزگەرە باستاعانىن كورسەتەدى.
رەسمي ستاتيستيكاعا ۇڭىلەتىن بولساق، وسى توپتاعى اجىراسۋلار سانى ونىڭ الدىنداعى جىلدارمەن سالىستىرعاندا ارتقان.
ساراپشىلاردىڭ ايتۋىنشا، بۇل جاسى 50 دەن اسقان ازاماتتاردىڭ اراسىندا وتباسىنا دەگەن كوزقاراستىڭ وزگەرۋىنە بايلانىستى بولىپ وتىر.
2024 -جىلى جاسى 50 دەن اسقان 55595 ادام اجىراسقان بولسا، 2020 -جىلى بۇل كورسەتكىش ايتارلىقتاي سكەن.
ۇزاق جىلدار بويى بىرگە تۇرىپ كەلگەن كوپتەگەن وتباسىلار بۇدان ءارى ءبىر-بىرىمەن ۇيلەسىمدى ءومىر سۇرە المايتىنىن جاقسى تۇسىنە باستايدى. بۇعان الەۋمەتتىك، قارجىلىق جاعدايدىڭ وڭالا باستاۋى دا اسەر ەتەدى.
الەۋمەت تانۋشىلار، جاعدايدى تۇركيادا ومىرلىك ستاندارتتاردىڭ وزگەرە باستاۋىمەن ءتۇسىندىرىپ وتىر.
بۇرىندارى جاسى ۇلعايعان ادامدار اراسىندا اجىراسۋ جاعدايلارى سيرەك كەزدەسەتىن. قازىر جاسى 50 دەن اسقان ادامدار اراسىندا ءوزىن قاناعاتتاندىرمايتىن قارىم-قاتىناستان باس تارتىپ، جاڭا ءومىر باستاۋعا بولادى دەپ ەسەپتەيتىندەر كوبەيگەن.
وسىعان دەيىن تۇركيادا مەديتسينا جانە كوسمەتولوگيا ماقساتىندا سارىشايان وسىرۋگە رۇقسات ەتىلگەنى تۋرالى جازدىق.