تۇركيادا ءۇش قالانىڭ مەرى ۇستالدى

استانا. KAZINFORM - تۇركيادا انتاليا، ادانا جانە اديامان قالالارىنىڭ مەرلەرى مۇحيتدين بودجەك، زەيدان كارالار جانە ابدۋرراحمان تۋتدەرە ۇستالدى. ولارعا سىبايلاس جەمقورلىققا قاتىستى ايىپ تاعىلدى، دەپ حابارلايدى Kazinform DW- گە سىلتەمە جاساپ.

جەرگىلىكتى ب ا ق- تىڭ حابارلاۋىنشا، مۇحيتدين بودجەكپەن بىرگە ونىڭ ۇلى دا قاماۋعا الىنعان.

قالا مەرى قاماۋعا الىنعاننان كەيىن ادانادا وپپوزيتسيالىق ساياساتكەرلەردىڭ تۇتقىندالۋىنا جانە تۇركيا پرەزيدەنتى رەجەپ تايىپ ەردوعان مەن ونىڭ ۇكىمەتىنىڭ وتستاۆكاعا كەتۋىنە نارازىلىق شەرۋى ءوتتى.

- سوت جۇيەسىن ساياسي كەك الۋدىڭ قارۋىنا اينالدىراتىندار زاڭنىڭ قامىن ويلامايدى، ءوز بيلىگىن قورعاۋدى ويلايدى. ءبىز حالىقتىڭ ەركىنە شابۋىل جاسايتىن بۇل جۇيەگە ەشقاشان باعىنبايمىز، - دەپ جازدى جەو ءتوراعاسى بۋرحانەتتين بۋلۋت X الەۋمەتتىك جەلىسىندە.

ءبىر كۇن بۇرىن ءيزميردىڭ بۇرىنعى ءمەرى تۋنچ سويەر مەن يزمير پروۆينتسياسىنىڭ گۋبەرناتورى شەنول اسلانوعلۋ، سونىمەن بىرگە ج ە و وكىلى سىبايلاس جەمقورلىققا قاتىسى بار دەگەن ايىپپەن قاماۋعا الىندى.

ەسكە سالا كەتەيىك، بۇعان دەيىن تۇركيا ەردوعاننىڭ اسكەري وكىلەتتىگىن كەڭەيتۋى مۇمكىن ەكەنىن جازعان ەدىك.