استانا. KAZINFORM - تابانى جارالانعان ءيت ءدارىحاناعا كىرىپ، كومەك سۇراعان. ءۇي جانۋارىنىڭ بۇل ارەكەتى جەلى قولدانۋشىلارىن تاڭعالدىردى.
كۋاگەرلەردىڭ ايتۋىنشا، قاڭعىباس ءيت فارماتسەۆت بانۋ چەنگيزگە جاقىنداپ، ونىڭ بوساعانىن كۇتكەن. ءاۋ باستا بانۋ ءيتتىڭ تاماق جەگىسى كەلەتىنىن توپشىلاعان. ول توستاعاندى تاماققا تولتىرىپ، جانۋارعا ۇسىنعان. ءبىراق، ءيت جەۋدەن باس تارتىپ، جارالى تابانىن العا قاراي سوزىپ، كومەك سۇراعانداي سىڭاي تانىتىپتى.
«تابانىندا قان بولدى. مەن جارانى تازالاپ، ەمدىك جاقپا جاقتىم. مۇنى كورگەن كەيبىر كەلۋشىلەر ءيتتى وزدەرىمەن بىرگە الىپ كەتكىسى كەلدى. ءبىراق ءيت ەركىندىكتى تاڭداپ، ءدارىحانادان قاشىپ كەتتى»، - دەيدى بانۋ.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан