تۇركيادا بولعان جەر سىلكىنىسىن بىرنەشە پروۆينتسيا تۇرعىندارى سەزدى

استانا. KAZINFORM - تۇركيانىڭ سولتۇستىك باتىسىندا كۇشتى جەر سىلكىنىسى بولدى. جەراستى ءدۇمپۋى ءبىر مەزەتتە ەلدىڭ بىرنەشە پروۆينتسياسىندا سەزىلدى.

تۇركيانىڭ توتەنشە جاعدايلار مەن تابيعي اپاتتاردىڭ سالدارىن جويۋ باسقارماسىنىڭ (AFAD) مالىمەتتەرى بويىنشا، ىستانبۇل ماڭىنداعى چاناككالە پورتتى قالاسىندا ريحتەر باعامى بويىنشا 4,9 ماگنيتۋدالى جەر سىلكىنىسى بولدى.

ۆەدومستۆونىڭ حابارلاۋىنشا، ءزىلزالانىڭ وشاعى چاناككالە پروۆينتسياسىنداعى ەنيدجە اۋدانىندا 10,44 ك م تەرەڭدىكتى جاتقان.

ەڭ كۇشتى جەراستى دۇمپۋلەرى چاناككالە شىعاناعىنا كىرەتىن ايماقتا سەزىلگەن. اتالعان پورتتى قالا ءمارمار جانە ەگەي تەڭىزدەرىن جالعاپ جاتقان، داردانەللا بۇعازى جاعالاۋىنداعى كىشى ازيا جارتى ارالىندا ورنالاسقان. سونىمەن قاتار جەر سىلكىنىسى ىستانبۇل، مانيسا، بۋرسا سياقتى جاقىن ماڭداعى كوپتەگەن پروۆينسيالاردا دا سەزىلگەن.

تۇركيا ىشكى ىستەر ءمينيسترى الي يەرليكايدىڭ ايتۋىنشا، قازىرگى تاڭدا جاعداي تۇراقتى. ءزىلزالادان زارداپ شەككەندەر جوق. قۇزىرلى ورگان وكىلدەرى قالاداعى عيماراتتاردى تەكسەرىپ جاتىر.