تۇركيادا 24 ميلليوننان استام ادام باسپانا جالداپ تۇرۋعا ءماجبۇر

استانا. KAZINFORM - تۇركيادا باعانىڭ رەكوردتىق ءوسۋى مەن بوس تۇرعان پاتەرلەر سانىنىڭ ارتۋى اياسىندا جالعا الۋشىلاردىڭ سانى كوبەيىپ جاتىر، دەپ حابارلايدى قازاقپارات اگەنتتىگىنىڭ مەنشىكتى ءتىلشىسى.

سوڭعى 10 جىلدا تۇركيادا ءۇي يەلەرىنىڭ ۇلەسى a,1 دان V,1 عا دەيىن ازايعان، ال جالعا الۋشىلاردىڭ سانى ",1 دان ( عا دەيىن ارتقان. تۇركيالىق Karar گازەتىنىڭ مالىمەتىنشە، بۇگىندە ەلدە 24 ميلليوننان استام ادام باسپانانى جالداپ تۇرۋعا ءماجبۇر.

ساراپشىلار مۇنداي وزگەرىستەرگە بىرنەشە نەگىزگى سەبەپتى اتاپ كورسەتەدى: جىلجىمايتىن مۇلىك باعاسىنىڭ شارىقتاۋى، يپوتەكالىق مولشەرلەمەلەردىڭ جوعارى بولۋى جانە تۇرعىن ۇيگە باعىتتالعان الىپساتارلىق ينۆەستيتسيالار.

2015 -جىلدان بەرى تۇركيادا جىلجىمايتىن مۇلىك قۇنى 15 عا ارتقان. بۇل - ەكونوميكالىق ىنتىماقتاستىق جانە دامۋ ۇيىمىنا (ە ى د ۇ) مۇشە ەلدەر اراسىنداعى ورتاشا كورسەتكىشتەن 18 ەسە جوعارى. سول كەزەڭدە جالداۋ اقىسى دا 12 ەسە قىمباتتاعان.

مىسالى، 2015 -جىلى 500 مىڭ تۇرىك ليراسىنا باعالانعان پاتەر بۇگىندە 9,6 ميلليون ليراعا (شامامەن 250 مىڭ ا ق ش دوللارى) تەڭ. مۇنداي باسپانانى اي سايىن جالعا الۋ اقىسى 2,5 مىڭ ليرادان 32,5 مىڭ ليراعا دەيىن (شامامەن 850 دوللار) وسكەن.

2015 -جىلدان 2024 -جىلعا دەيىن ەلدە 6,94 ميلليون جاڭا پاتەر سالىنعانىمەن، ولاردىڭ تەك 5,31 ميلليونى عانا ساتىلعان. قالعان 1,63 ميلليون پاتەر ءالى يەسىز بوس تۇر.

اسىرەسە، بۇل ماسەلە ءىرى قالالاردا ۋشىعىپ تۇر. مۇندا ەليتالىق تۇرعىن ۇيلەر ينۆەستيتسيالىق ماقساتتا ساتىپ الىنادى - ولار نە قايتا ساتىلادى، نە بولماسا قىمبات باعاعا جالعا بەرىلەدى. ال قاراپايىم ميلليونداعان ازامات ءۇشىن پاتەر ساتىپ الۋ تۇگىلى، جالعا الۋ دا بارعان سايىن قيىنداپ بارادى.

ساراپشىلار تۇركياداعى تۇرعىن ءۇي نارىعىندا الەۋمەتتىك شيەلەنىس كۇشەيىپ كەلە جاتقانىن ايتىپ، كەڭ اۋقىمدى حالىققا تۇرعىن ءۇيدىڭ قولجەتىمدىلىگىن قامتاماسىز ەتۋ ءۇشىن جۇيەلى شەشىمدەر قابىلداۋ قاجەت ەكەنىن العا تارتىپ وتىر.

ايتا كەتەلىك تۇركيا ورتالىق بانكىنىڭ رەزەرۆتەرى 141 ميلليارد دوللارعا دەيىن تومەندەدى.