تۇركيادا 100 دەن اسا تۋريسى بار ياحتا سۋعا باتىپ كەتتى

استانا. KAZINFORM - تۇركياداعى مارماريس كۋرورتتىق قالاسىنان 10 كيلومەتر قاشىقتىقتا كەچي ارالىنداعى Eagles ياحتاسىندا ءورت سالدارىنان 17 ادام زارداپ شەكتى.

بۇل جايلى Haberler اقپاراتتىق اگەنتتىگى ەلدىڭ تەڭىز اكىمشىلىگىنە سىلتەمە جاساپ جاريالادى، - دەپ حابارلايدى Massaget.kz ءتىلشىسى.

اگەنتتىكتىڭ حابارلاۋىنشا، اعاشتان جاسالعان كرۋيزدىك كەمە جاعادان شىققاننان كەيىن كوپ ۇزاماي ورتەنگەن. ورتتەن قاشقان جولاۋشىلار سۋعا سەكىرگەن. ءورتتىڭ سالدارىنان ياحتا تولىعىمەن سۋعا باتىپ كەتتى.

جاعالاۋ كۇزەتىنىڭ وتريادتارى كەمەنىڭ جولاۋشىلارىن سۋدان شىعارىپ، ولاردى جاعاعا جەتكىزدى. زارداپ شەككەندەر مۋگلا جانە مارماريس قالالارىنداعى اۋرۋحانالارعا جاتقىزىلدى، دەپ حابارلادى ۆەدومستۆودان.

«ەشكى ارالىنىڭ (كەچي ارالىمەن كورشىلەس) جانىنداعى Eagles كرۋيزدىك كەمەسىندە ءورت سالدارىنان 96 جولاۋشى مەن التى ەكيپاج ەۆاكۋاتسيالاندى. وقيعا سالدارىنان 17 ادام زارداپ شەكتى، ونىڭ 14 ءى جەڭىل جاراقات الدى، ال ۇشەۋى اۋىر جاراقات الدى»، - دەلىنگەن حابارلامادا.

وقيعا فاكتىسى بويىنشا قۇقىق قورعاۋ ورگاندارى تەرگەۋ ۇيىمداستىرىپ، اكىمشىلىك ءىس قوزعالدى.