استانا. KAZINFORM - تۇركيانىڭ سولتۇستىگىندەگى توكات پروۆينتسياسىنىڭ تۋرحال اۋدانىندا 7 اۋىل مەن 15 شاعىن اۋداننىڭ تۇرعىندارى سۋ تاسقىنى قاۋپىنە بايلانىستى ەۆاكۋاتسيالانىپ جاتىر.
بۇل تۋرالى Report اگەنتتىگى جازدى.
المۋس سۋ قويماسىنىڭ سۋ دەڭگەيى ۇزدىكسىز جاۋىن-شاشىن سالدارىنان كوتەرىلگەن. سارسەنبىگە قاراي وزەن سۋى بوگەتتەن اسۋى مۇمكىن دەپ بولجانىپ وتىر. سول سەبەپتى، ىقتيمال اپاتتىڭ الدىن الۋ ماقساتىندا 7 اۋىل مەن 15 شاعىن اۋداننىڭ تۇرعىندارىن ەۆاكۋاتسيالاۋ شەشىمى قابىلداندى.
ايتا كەتەيىك، تۇركيانىڭ كوپ ايماعىندا، اسىرەسە قاراتەڭىز وڭىرىندە ۇزدىكسىز جاۋىن-شاشىن ءتۇسىپ، ءبىرقاتار عيمارات قيراپ، زالالىن تيگىزدى.
بۇعان دەيىن تۇركىستان وبلىسىندا نوسەر سالدارىنان كوپىرلەردى سۋ شايىپ، 81 ادام ەۆاكۋاتسيالاندى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.