تۇركيا گازا سەكتورىنداعى جاعدايعا بايلانىستى يزرايلدەگى ەلشىسى شاكىر وزكان تورۋنلاردى كەڭەسۋ ءۇشىن شاقىرتىپ الاتىن بولدى، دەپ حابارلايدى Kazinform انادولى اگەنتتىگىنە سىلتەمە جاساپ.
بۇل جايىندا 4-قاراشادا تۇركيا سىرتقى ىستەر مينيسترلىگىنىڭ باسپا ءسوز قىزمەتى ءمالىم ەتتى.
«يزرايلدىڭ بەيبىت حالىققا شابۋىلىن جالعاستىرۋى، گۋمانيتارلىق كومەكتى كەدەرگىسىز جانە ۇزدىكسىز جەتكىزۋگە كەدەرگى كەلتىرۋى، سونداي- اق اتىستى توقتاتۋدان باس تارتۋى سالدارىنان گازاداعى گۋمانيتارلىق جاعداي ۋشىعا ءتۇستى. وسىنى ەسكەرە وتىرىپ تەل- اۆيۆتەگى ەلشى شاكىر وزكان تورۋنلاردى كونسۋلتاتسيا ءۇشىن انكاراعا شاقىرتىپ الۋ جونىندە شەشىم قابىلداندى» دەلىنگەن مينيسترلىك حابارلاماسىندا.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.