تۇركيا يزرايلگە كىرۋى مۇمكىن - ەردوعان

استانا. قازاقپارات - تۇركيا يزرايلگە كەز كەلگەن ۋاقىتتا تاۋلى قاراباق پەن ليۆياعا كىرگەندەي كىرە الادى، دەپ مالىمدەدى رەسپۋبليكا پرەزيدەنتى رەجەپ تايىپ ەردوعان.

«ءبىز قاراباققا، ليۆياعا كىرگەنىمىزدەي، ولارعا (يزرايل) دا سولاي ىستەيمىز. ءبارى دە مۇمكىن. مۇنداي قادامدارعا بارۋ ءۇشىن تەك كۇشتى بولۋىمىز كەرەك»، - دەپ كەلتىرەدى ەردوعاننىڭ ءسوزىن Halk TV.

وسىلايشا ول پالەستيناعا كەز كەلگەن جولمەن قولداۋ كورسەتۋگە دايىن ەكەنىن تاعى دا مالىمدەدى، دەپ حابارلايدى تەلەكومپانيا ەردوعاننىڭ مالىمدەمەسىن.

جەرگىلىكتى ب ا ق وتكەن جىلدىڭ قاراشا ايىندا تۇركيا پارلامەنتى قاراباقتاعى اتىستى توقتاتۋ رەجيمىن جانە بارلىق اسكەري ارەكەتتەردى باقىلاۋ ءۇشىن ورنالاستىرىلعان رەسەي-تۇركيا بىرلەسكەن باقىلاۋ ورتالىعىنىڭ قۇرامىنداعى رەسپۋبليكا قارۋلى كۇشتەرىنىڭ ءازىربايجانداعى ميسسياسىن ءبىر جىلعا ۇزارتقانىن ەسكە سالادى. سونداي-اق 2023 -جىلدىڭ قاراشاسىندا تۇرىك ءماجىلىسى ليۆياداعى اسكەري كۇشتەردىڭ بولۋى مانداتىن 24 ايعا ۇزارتتى. ول تۇركيا مەن ۇلتتىق كەلىسىم ۇكىمەتى اراسىندا اسكەري ىنتىماقتاستىق تۋرالى قول قويىلعان كەلىسىم نەگىزىندە.

ەردوعان سونداي-اق پالەستينا باسشىسى ماحمۋد ابباستىڭ يزرايل پرەمەر-ءمينيسترى بينيامين نەتانياحۋدىڭ 24 -شىلدەدە ا ق ش كونگرەسىندە سويلەگەن سوزىمەن پاراللەلدى رەسپۋبليكا پارلامەنتىندە ءسوز سويلەۋ تۋرالى تۇركيانىڭ ۇسىنىسىنا جاۋاپ بەرمەگەنىن ايتتى. بۇعان دەيىن ەردوعان ابباستى انكارانىڭ شاقىرۋىنا جاۋاپ بەرمەگەنى ءۇشىن كەشىرىم سۇراۋعا شاقىرعان.

24-شىلدەدە نەتانياحۋ ا ق ش سەناتى مەن وكىلدەر پالاتاسىنىڭ بىرلەسكەن وتىرىسىندا ءسوز سويلەپ، پالەستينالىق حاماس قوزعالىسى قارۋىن تاستاپ، كەپىلگە الىنعانداردى بوساتقاندا گازا سەكتورىنداعى اسكەري وپەراتسيانى اياقتايتىنىن ايتتى. مينيسترلەر كابينەتىنىڭ باسشىسى نەتانياحۋ تاياۋ شىعىستا ناتو سياقتى «ءوسىپ كەلە جاتقان يران قاۋپىنە قارسى تۇرۋ ءۇشىن» قاۋىپسىزدىك اليانسىن قۇرۋعا شاقىردى.

اۆتور

اسحات رايقۇل