تۇركيا يرانمەن شەكارادا قابىرعا تۇرعىزىپ جاتىر

استانا. KAZINFORM -ۆان پروۆينتسياسىنداعى تۇركيا-يران شەكاراسىندا قاۋىپسىزدىكتى كۇشەيتۋ ءۇشىن بەتون قابىرعا قۇرىلىسى مەن ارىقتار قازۋ جۇمىستارى جالعاسۋدا، دەپ حابارلايدى Kazinform مەنشىكتى ءتىلشىسى.

تۇرىك كۇشتەرى قولدا بار زاماناۋي تەحنولوگيالاردى پايدالانا وتىرىپ، بۇل اۋماقتى قاداعالاپ، شەكارانى زاڭسىز كەسىپ وتۋگە جول بەرمەۋ ءۇشىن قوسىمشا شارالار قابىلداپ وتىر.

بۇل بەكىنىستەردىڭ ماقساتى-زاڭسىز ميگرانتتار مەن كونترابانداشىلاردىڭ كىرۋىنە جول بەرمەۋ، سونداي-اق تۇركيانىڭ شىعىس شەكاراسى بويىنداعى قاۋىپسىزدىكتى نىعايتۋ. شەكارانى باقىلاۋ جانە قاداعالاۋ ءۇشىن فيزيكالىق كەدەرگىلەردەن باسقا زاماناۋي تەحنولوگيالار بەلسەندى تۇردە قولدانىلىپ وتىر. تۇرىك شەكاراشىلارىنىڭ باقىلاۋ كامەرالارى، تۇنگى ۋاقىتتا قوزعالىستى انىقتاۋعا كومەكتەسەتىن تەپلوۆيزورلار جانە اۋەدەن پاترۋلدەۋگە قاجەتتى ۇشقىشسىز ۇشۋ اپپاراتتارى بار.

بۇل شارالار شەكارادا تاۋلىك بويى باقىلاۋ جۇرگىزۋگە مۇمكىندىك بەرەدى.

شەكارانى زاڭسىز كەسىپ ءوتۋدى، سونىڭ ىشىندە كوشى-قون، كونتراباندانى جانە زاڭسىز قارۋلى توپتاردىڭ ىقتيمال قاۋىپتەرىنىڭ الدىن الۋ ءۇشىن بەتون قابىرعا مەن ارىقتاردىڭ قۇرىلىسى جالعاسىپ جاتىر. بۇل ايماقتىڭ ۇزىندىعى شامامەن 300 ك م جانە ول قازىردىڭ وزىندە تۇركيانىڭ شىعىس شەكاراسىنداعى ماڭىزدى باقىلاۋ نۇكتەسىنە اينالدى.

وسىعان دەيىن قازاقستاننىڭ تۇركيانىڭ ب ۇ ۇ- عا جولداعان حاتىنا قول قويعانىن حابارلادىق.