سول سەبەپتى رەسمي انكارا ساۋديانىڭ قاۋىپسىزدىگىن قامتاماسىز ەتۋ ماسەلەسىنە تىكەلەي ارالاسۋعا دايىن ەكەنىن جەتكىزدى.
حاكان فيدان، تۇركيانىڭ سىرتقى ىستەر ءمينيسترى:
- ساۋد ارابياسىنىڭ اۋماقتىق تۇتاستىعى مەن ەگەمەندىگىنە وتە اۋىر شابۋىلدار جاسالىپ جاتقانىن كورىپ وتىرمىز. بىرلەسكەن قورعانىس كەلىسىمى اياسىندا مەككە قورعانىس وداعى قۇرىلدى. بۇل قۇرىلىم قاۋىپسىزدىك، تۇراقتىلىق پەن ءال-اۋقاتقا نەگىزدەلگەن ورتاق ۇستانىمدى كوزدەيدى.
ايتا كەتەيىك، وتكەن ايدا ساۋد ارابياسى، پاكىستان مەن تۇركيا ءۇش جاقتى ءوزارا قورعانىس ىنتىماقتاستىعىن نىعايتۋدى كوزدەيتىن قۇجاتقا قول قويدى. كەلىسىمنىڭ نەگىزگى قاعيداتى بويىنشا، ءۇش مەملەكەتتىڭ بىرىنە جاسالعان قارۋلى شابۋىل بارلىعىنا جاسالعان شابۋىل رەتىندە قاراستىرىلادى. وسى تۇرعىدان العاندا، حۋسيتتەردىڭ ساۋد ارابياسىنا جاساعان سوققىلارى جاڭا كەلىسىمنىڭ تاجىريبە جۇزىندەگى ماڭىزىن كۇن تارتىبىنە شىعاردى. دەگەنمەن قۇجاتتا ناقتى اسكەري مىندەتتەمەلەردىڭ قانداي تارتىپپەن ىسكە اسىراتىنى، قانداي قولداۋ كورسەتىلەتىنى ايتىلماعان. ناقتى ءىس-قيمىل تاراپتاردىڭ ورتاق شەشىمىنە بايلانىستى بولماق.