تۇركيا دەلەگاتسياسىنىڭ بورتى تۇركيانىڭ القىزىل تۋىمەن بەزەندىرىلگەن. جاقىندا عانا تۇركيا رەسپۋبليكاسىنىڭ 100 جىلدىعى تويلانعان ەدى.
ر. ەردوعاندى سالتاناتتى تۇردە قارسى الۋعا قازاقستان رەسپۋبليكاسىنىڭ پرەمەر- ءمينيسترى ءاليحان سمايىلوۆ ارنايى كەلدى. تۇركيا پرەزيدەنتىنە قىزىل شوق گۇلدەر تابىس ەتىلدى.
قازاقستان پرەمەرى مەن تۇركيا باسشىسى اۋەجايدا سويلەستى جانە ارنايى كولىكپەن ر. ەردوعان اۋەجايدان شىقتى.
تۇركيا باسشىسى 3-قاراشادا ەلوردادا تۇركى مەملەكەتتەرى ۇيىمىنىڭ (ت م ۇ) مەرەيتويلىق X سامميتىنە قاتىسادى. مەرەيتويلىق كەزدەسۋگە مەملەكەت باسشىسى قاسىم- جومارت توقايەۆ تۇركيا كوشباسشىسىن 16-ناۋرىزدا انكارادا وتكەن تۇركى مەملەكەتتەرى ۇيىمىنىڭ ءسامميتى بارىسىندا شاقىرعان بولاتىن.
بۇل جيىنعا تۇركى مەملەكەتتەرى ۇيىمىنا مۇشە ازەربايجان، قىرعىزستان، تۇركيا، وزبەكستان پرەزيدەنتتەرى، سونداي- اق ت م ۇ- داعى باقىلاۋشى مەملەكەتتەر - ماجارستان مەن تۇرىكمەنستان باسشىلارى قاتىسادى.
ايتا كەتەيىك، 2021 -جىلعى 12-قاراشادا ىستانبۇلدا وتكەن تۇركى تىلدەس ەلدەردىڭ ىنتىماقتاستىق كەڭەسى سامميتىندە تۇركى كەڭەسىنىڭ اتاۋى تۇركى مەملەكەتتەرىنىڭ ۇيىمى بولىپ وزگەرتىلدى.
بۇعان دەيىن ءاليحان سمايىلوۆ استانا اۋەجايىندا قىرعىزستان پرەزيدەنتى سادىر جاپاروۆتى قارسى العان ەدى.