استانا. KAZINFORM - تۇركى مەملەكەتتەرىن بىرىكتىرەتىن ورتاق ءانۇران جازىلىپ جاتىر. تۇركى حالىقتارىنىڭ باي تاريحىنان سۋسىنداعان بۇل ءانۇران ءسوز بەن مۋزىكادا ولاردىڭ قايتالانباس مادەنيەتىن كورسەتەدى. بۇل تۋرالى تۇرىك مەملەكەتتەرى ونەر ۋنيۆەرسيتەتتەرى وداعىنىڭ ءتوراعاسى، انكارا مۋزىكا جانە بەينەلەۋ ونەرى ۋنيۆەرسيتەتىنىڭ رەكتورى ەرحان وزدەن مالىمدەدى.
ەرحان وزدەننىڭ ايتۋىنشا، ءانۇران سالتاناتتى شارالار ءۇشىن جازىلۋدا جانە ول تۇركى حالىقتارىن بىرىكتىرەتىن ۇلتتىق جانە رۋحاني قۇندىلىقتاردى بەينەلەيدى. ونىڭ ءسوزى مەن مۋزىكاسىن ساراپشىلار توبى ازىرلەپ، بارلىعىنا تۇسىنىكتى جانە قيسىندى سوزدەردى تاڭدايدى.
سونىمەن قاتار تۇركى ەلدەرىنىڭ ەنسيكلوپەديالىق سوزدىگىن جاساۋ جۇمىستارى جۇرگىزىلىپ جاتقانى اتاپ ءوتىلدى. بۇل سوزدىك تۇركى حالىقتارى اراسىندا قولدانىلاتىن ونەر تەرميندەرىن جيناقتاپ، كەلەشەكتە ءبىرتۇتاس تەرمينولوگيا جاساۋعا قىزمەت ەتەدى. سوزدىك ونەردىڭ ءار سالاسىنا ارنالعان جەكە تاراۋلار بولىپ ۇيىمداستىرىلىپ، تەرميندەردىڭ شىعۋ تەگى مەن تۇركى حالىقتارىنىڭ مادەنيەتىندەگى قولدانىسىن كورسەتەدى.
سوزدىك 1-2 جىلدا، ال ءانۇران ودان ەرتەرەك دايىن بولادى دەپ كۇتىلىپ وتىر.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан