تۇركى حالىقتارى وتە مىقتىمىز. تاريحىمىزدا وراسان قيىندىق كوردىك - ايدوس سارىم

.ءماجىلىس دەپۋتاتى ايدوس سارىم تۇركى ەلدەرى مەن ورتالىق ازيا مەملەكەتتەرىنىڭ ساياسي- ەكونوميكالىق ىنتىماقتاستىعى تۋرالى ايتتى، دەپ حابارلايدى قازاقپارات ءتىلشىسى

«سوڭعى بىرنەشە جىلدىڭ ىشىندە قازاقستان مەن ورتالىق ازيا ەلدەرىنىڭ اراسىنداعى ساۋدا اينالىمى ەسەلەپ ءوستى. ونىڭ وسۋىنە سول مەملەكەت باسشىلارى، بيزنەس وكىلدەرى مەن حالقىنىڭ ىقپالى زور. ءبىزدىڭ بىرلىگىمىزدىڭ تاعى ءبىر فورماتى - C5=1. بۇل ءبىزدىڭ الەمدەگى سۋبەكتىلىگىمىزدىڭ تانىلۋى. ءبىزدى الەمنىڭ مويىنداۋى. وڭتۇستىك كورەيا باستاعان فورمات كەزىندە مينيسترلەر دەڭگەيىندە بولسا، قازىر پرەزيدەنتتەر دەڭگەيىنە جەتتى. C5=1 ەلدەرىنىڭ باسشىلارى ا ق ش پرەزيدەنتىمەن كەزدەسىپ، كەشەندى كەلىسىمدەرگە قول جەتكىزىپ جاتىر»، - دەدى ءماجىلىس دەپۋتاتى ايدوس سارىم ەلوردادا ءوتىپ جاتقان تۇركى مەملەكەتتەرى ۇيىمىنا مۇشە ەلدەر وكىلدەرىمەن كەزدەسۋدە.

سونداي- اق حالىق قالاۋلىسى وڭتۇستىك كورەيادا وتكەن كەزدەسۋدە ورتالىق ازيا ەلدەرىمەن تۇراقتى وتەتىن جينالىس فورماتى جاساقتالعانىن ايتتى.

«كەلەسى وتىرىس باۋىرلاس ەل تۇرىكمەنستان استاناسى اشحابادتا وتەدى. ونداعى يدەولوگيا اتقارۋشى بيلىك قانشا دەگەنمەن ءبىر جىلدىڭ بيۋدجەتىمەن جۇرەدى. كەيدە ماسەلەلەرگە نازار اۋدارىلمايتىن سياقتى. ال پارلامەنت مۇشەلەرى 5-6 جىلعا سايلانعاندىقتان ولاردىڭ ۋاقىتى بار. ءبىز وسى فورماتتى باسقا دا ءىرى ويىنشىلارعا ۇسىنۋعا دايىنبىز. ءبىزدىڭ پارلامەنتتە مىنداي قاعيدات بار، تۇركى بىرلىگىنە قاتىستى كەز كەلگەن شارت راتيفيكاتسيالانۋى ءتيىس. تۇركى مەملەكەتتەرى پارلامەنت باسشىلارى جىلىنا 7-8 رەت كەزدەسۋ وتكىزىپ ءجۇر. ول ءوزىنىڭ جەمىسىن بەرىپ جاتىر. تۇركى حالىقتارى وتە مىقتىمىز. تاريحىمىزدا وراسان قيىندىق كوردىك. سونىڭ ءارقايسىسىنان كۇش الدىق، ەل رەتىندە ساقتالىپ قالدىق، تاۋەلسىزدىگىمىزدى الدىق»، - دەيدى ول.

ايتا كەتەيىك، بۇگىن استانادا تۇركى مەملەكەتتەرى ۇيىمىنا مۇشە جانە بايقاۋشى مەملەكەتتەردىڭ رەسمي سىرتقى ساياسي زەرتتەۋلەر ورتالىقتارىنىڭ 9 كەزدەسۋى ءوتىپ جاتىر.

اۆتور

داۋلەت ىزتىلەۋ