استانا. KAZINFORM — ازەربايجاندا تۇركى مەملەكەتتەرى ۇيىمىنىڭ (ت م ۇ) جاستار جانە سپورت مينيسترلەرىنىڭ جەتىنشى وتىرىسى ءوتتى. بۇل تۋرالى مادەنيەت جانە اقپارات مينيسترلىگىنىڭ باسپا ءسوز قىزمەتى حابارلادى.
اتالعان جيىندا «لەنكوران - تۇركى الەمىنىڭ جاستار استاناسى» اتتى حالىقارالىق باعدارلامانىڭ جابىلۋ سالتاناتى بولدى.
ءىس-شاراعا ت م ۇ- عا مۇشە ەلدەردىڭ جاستار دەلەگاتسيالارى قاتىستى.
جيىن اياسىندا كامەلەتكە تولماعاندارعا ارنالعان ۆولونتەرلەردى وقىتۋ باعدارلاماسى مەن تمۇ ۇلگىسىن قۇرۋ جونىندەگى كونفەرەنتسيا ۇيىمداستىرىلدى.
ايتا كەتسەك، بۇعان دەيىن بۋداپەشتتە وتكەن ت م ۇ- نىڭ بەيرەسمي سامميتىندە قازاقستان پرەزيدەنتى قاسىم-جومارت توقايەۆ 2025 -جىلى الماتى قالاسى تۇركى الەمىنىڭ جاستار استاناسى بولاتىنىن مالىمدەگەن ەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.