استانا. KAZINFORM - باللەرۋپتە (دانيا) ترەكتەگى ۆەلوسپورتتان الەم چەمپيوناتى اياقتالىپ، سپورتشىلاردىڭ ناتيجەسى بەلگىلى بولدى. بۇل تۋرالى Olympic.kz حابارلادى.
وتاندىق قۇراماداعى ۇزدىك سپورتشى بولىپ كيريلل كۋرديدي تانىلدى. ول گيت بويىنشا فينالعا جەتىپ، وندا 7-ورىننان كورىندى. ومنيۋم بويىنشا جارىس جولىنا شىققان راميس دىنمۇحامەتوۆ 18-ورىن السا، شىعىپ قالۋعا جارىستان 14-ورىننان كورىندى.
قۋالاپ جارىسۋدان يليا قارابۇتوۆ 20-ورىنعا جايعاستى. ال الىشەر جۇماقان ۇپاي بويىنشا 16-بولىپ كەلدى.
كەيرين بويىنشا كيريلل كۋرديدي 23-بولىپ جەتسە، يليا قارابۇتوۆ سكرەتچ بويىنشا جۇلدە الۋ ءۇشىن بارىن سالدى، ناتيجەسىندە مارەگە 19-بولىپ كەستى.
ايتا كەتەلىك، چەمپيوناتقا قازاقستان اتىنان بارلىعى ءتورت سپورتشى قاتىستى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.