ترامپقا تاعى دا شابۋىل جاسالدى
استانا. KAZINFORM - ا ق ش- تىڭ بۇرىنعى پرەزيدەنتى جانە قايتادان پرەزيدەنتتىككە ۇمىتكەر بولعان دونالد ترامپقا كەزەكتى مارتە قارۋلى شابۋىل جاسالدى. بۇل تۋرالى ت ا س س حابارلادى.
New York Post باسىلىمى تاراتقان مالىمەتكە سايكەس، ا ق ش- تىڭ قۇپيا قىزمەتى فلوريدا شتاتىنداعى ۆەست- پالم- بيچتەگى ءوزىنىڭ گولف-كلۋبىنان شىعىپ بارا جاتقان كەزدە دونالد ترامپتىڭ جانىندا اتىس بولعانىن بايقاعان.
وكىلدەر پالاتاسىنىڭ مۇشەسى ماردجوري تەيلور- گرين قازىرگى ۋاقىتتا ترامپقا ەشقانداي قاۋىپ ءتونىپ تۇرماعانىن مالىمدەدى.
- ترامپ ونىڭ ماڭايىندا بولعان اتىستان سوڭ قاۋىپسىز جەرگە ورنالاستىرىلدى. ازىرگە باسقا اقپارات جوق، - دەپ جازدى X الەۋمەتتىك جەلىسىندەگى پاراقشاسىندا ماردجوري تەيلور- گرين.
ەسكە سالا كەتەيىك، بۇعان دەيىن ا ق ش- تىڭ پەنسيلۆانيا شتاتىندا سايلاۋالدى اكتسيا كەزىندە دونالد ترامپقا قاستاندىق جاسالعانىن حابارلاعان ەدىك.