تراۆماتيكالىق قارۋى بار موپەدشى ۇستالدى

  الماتى. KAZINFORM - الماتىدا «بۋران-128» پاترۋلدىك پوليتسياسىنىڭ ەكيپاجى كەڭ اۋقىمدى رەيد بارىسىندا اباي داڭعىلى مەن بايتۇرسىنوۆ كوشەسىنىڭ قيىلىسىندا موپەد جۇرگىزۋشىسىن ۇستادى.

«ول جول قوزعالىسى ەرەجەلەرىن ورەسكەل بۇزىپ، ينسپەكتورلاردىڭ نازارىن اۋداردى. ودان ءارى اتىس قارۋىن زاڭسىز ساقتاۋ دەرەگى انىقتالدى. ساراپتامانىڭ قورىتىندىسىنا سايكەس، ماسەلە اتۋعا جارامدى «وسا» تراۆماتيكالىق تاپانشاسى تۋرالى بولىپ وتىر. بوستاندىق اۋداندىق پوليتسيا باسقارماسى زاڭسىز قارۋ ساقتاۋ دەرەگى بويىنشا سوتقا دەيىنگى تەرگەۋدى باستادى. 33 جاستاعى موپەد جۇرگىزۋشىسىنىڭ قارۋ ۇستاۋىنىڭ شىنايى سەبەبى تەرگەۋ بارىسىندا انىقتالاتىن بولادى»، - دەدى الماتى قالاسى پ د ج پ ق ب پاترۋلدىك پوليتسيا پولكىنىڭ كومانديرى، پوليتسيا مايورى ميحايل كان.

ايتا كەتەيىك، ق ر كونستيتۋتسياسىنىڭ 77-بابى 3- ءبولىمى، 1-تارماعى، ق ر ق ك- ءنىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.

ەسكە سالايىق، بۇعان دەيىن قونايەۆ قالاسىندا اتىس بولىپ، پوليسيا كۇدىكتىلەردى ىزدەپ جاتقانىن جازعان ەدىك.