ترامپ زەلەنسكيمەن نە تۋرالى سويلەسكەنىن ايتتى
استانا. KAZINFORM - ا ق ش پرەزيدەنتى دونالد ترامپ ۋكراينالىق ارىپتەسى ۆلاديمير زەلەنسكيمەن تەلەفون ارقىلى جۇرگىزىلگەن كەلىسسوز «وتە جاقسى» وتكەنىن اتادى، دەپ حابارلايدى Euronews.
Truth Social الەۋمەتتىك جەلىسىندەگى پاراقشاسىندا امەريكالىق كوشباسشى ءبىر ساعاتقا جۋىق ۋاقىتقا سوزىلعان اڭگىمەنىڭ ماقساتى «ۋكراينا مەن رەسەي اراسىنداعى اتىستى توقتاتۋ تۋرالى كەلىسىمگە كەلۋ تۋرالى وتىنىشتەرى مەن قاجەتتىلىكتەرىن ۇيلەستىرۋگە» باعىتتالعانىن ايتتى.
- ءبىز دۇرىس جولدا كەلە جاتىرمىز، - دەدى ترامپ.
اق ءۇي كەلىسسوزدەر تۋرالى تولىعىراق مالىمدەمەنى «جاقىندا» جاريالايتىنىن ايتتى.
ەسكە سالا كەتەيىك، پۋتين مەن ترامپ تەلەفون ارقىلى كەلىسسوز جۇرگىزدى.
پرەزيدەنتتەر ۋكراينا ايماعىندا قالىپتاسقان جاعداي تۋرالى پىكىر الماستى.
حابارلامادا پۋتين دونالد ترامپتىڭ 30 كۇندىك ەنەرگەتيكالىق ينفراقۇرىلىمعا شابۋىل جاساماۋ جونىندەگى باستاماسىنا قولداۋ ءبىلدىرىپ، بىردەن اسكەرگە ءتيىستى بۇيرىق بەرگەنى ايتىلدى.