ترامپ يزرايلدىڭ يرانعا سوققى بەرۋىنە قارسى
استانا. KAZINFORM – ا ق ش پرەزيدەنتى دونالد ترامپ يراننىڭ يادرولىق باعدارلاماسىن شەكتەۋ ماقساتىندا ديپلوماتيالىق جولعا ءتۇسۋ ءۇشىن يزرايلدىڭ يران يادرولىق نىساندارىنا جوسپارلانعان سوققىسىنا توسقاۋىل قويدى، دەپ حابارلايدى Kazinform ءتىلشىسى.
New York Times گازەتىنىڭ حابارلاۋىنشا، يزرايل مامىر ايىندا نىساندارعا شابۋىل جاساۋ جوسپارىن جاساعان جانە يراننىڭ يادرولىق قارۋ جاساۋ مۇمكىندىگىن ءبىر جىل نەمەسە ودان دا كوپ ۋاقىتقا كەشىكتىرۋ ءۇشىن ا ق ش ولاردى قولدايتىنىنا سەنىمدى بولعان.
ا ق ش- تىڭ كومەگى يزرايلدى يراننىڭ كەك الۋىنان قورعاۋ ءۇشىن عانا ەمەس، سونىمەن بىرگە شابۋىلدىڭ ءساتتى بولۋىن قامتاماسىز ەتۋ ءۇشىن قاجەت بولدى.
ءبىر ايعا سوزىلعان ىشكى پىكىرتالاستاردان كەيىن ترامپ اسكەري ارەكەتتى قولداۋدىڭ ورنىنا تەگەرانمەن كەلىسسوز جۇرگىزۋدى ۇيعاردى.
وسى ايدا ترامپ يزرايلگە ا ق ش- تىڭ شابۋىلدى قولدامايتىنى تۋرالى شەشىمىن حابارلادى. بۇل تۋرالى وتكەن اپتادا ا ق ش پرەزيدەنتى بينيامين نەتانياحۋعا حابارلادى.
وتكەن سەنبىدە ا ق ش پەن يران وماندا كەلىسسوز وتكىزدى. ەكى ەل دە كەلىسسوزدەردى «پوزيتيۆتى» جانە «كونسترۋكتيۆتى» دەپ سيپاتتادى.
وسىعان دەيىن ا ق ش يەمەنگە 12 دەن استام اۋە سوققىسىن جاساعانى انىقتالدى.