استانا. KAZINFORM - ا ق ش پرەزيدەنتى دونالد ترامپ يزرايلدىڭ وتكەن اپتادا دوحاداعى حاماس كوشباسشىلارىنا شابۋىلىنان سوڭ قاتار اۋماعىنا شابۋىل جاسامايتىنىن مالىمدەدى.
ارمەنپرەسس-تىڭ حابارلاۋىنشا، ترامپ بۇل تۋرالى اق ۇيدە جۋرناليستەرمەن بولعان اڭگىمە بارىسىندا ايتقان. كەزدەسۋدىڭ بەينەجازباسىن Forbes Breaking News جاريالاعان.
- ولار ەندى قاتارعا شابۋىل جاسامايدى، - دەپ جاۋاپ بەردى ترامپ يزرايلدىڭ قاتارداعى نىساندارعا تاعى شابۋىلداۋى مۇمكىن بە، دەگەن ساۋالعا جاۋاپ بەرە وتىرىپ.
ترامپ قاتاردىڭ ا ق ش سەرىكتەسى ەكەنىن ەسكە سالدى.
ايتا كەتەيىك، 9-قىركۇيەك كۇنى يزرايل حاماس كوشباسشىلارىن نىسانعا الىپ، دوحاعا سوققى جاسادى. نايجەسىندە پالەستينالىق قوزعالىستىڭ 5 مۇشەسى جانە قاتاردىڭ قاۋىپسىزدىك قىزمەتىنىڭ 1 قىزمەتكەرى قازا بولدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан