ترامپ يرانعا قارجىلاي كومەك ۇسىنۋى مۇمكىن

استانا. قازاقپارات - ترامپ اكىمشىلىگى يرانعا يادرولىق ەنەرگەتيكالىق باعدارلاما جاساۋ ءۇشىن 30 ميلليارد دوللار ءبولۋى مۇمكىن.

 CNN تەلەارناسى وسىلاي دەپ جازادى. ولاردىڭ ايتۋىنشا، بۇل قادام سانكسيالاردى جەڭىلدەتىپ، يراندى كەلىسسوزگە تارتۋ ماقساتىندا جۇزەگە اسىرىلادى. ءبىراق قارجىلاي كومەك ا ق ش تاراپىنان ەمەس، ايماقتاعى اراب ەلدەرىنەن بولىنەدى.

 وسىلاي ارەكەت ەتۋ ارقىلى اق ءۇي باسشىلىعى يراننىڭ يادرولىق باعدارلاماسىن تەك بەيبىت ماقساتتا پايدالانۋدى كوزدەپ وتىر. ءبىراق ۋراندى بايىتۋعا تىيىم سالادى. ءسويتىپ، يرانعا بايىتىلعان ۋراندى يمپورتتاۋدى ۇسىندى. ازىرگە ترامپ كەڭەسشىلەرى ۇزاقمەرزىمدى بەيبىت كەلىسىمگە ۇمتىلۋدىڭ ماڭىزدى ەكەنىن ايتىپ جاتىر.

 24.kz