ترامپ وبامانى 2016-جىلعى سايلاۋدا الاياقتىق جاسادى دەپ ايىپتادى
استانا. KAZINFORM – ا ق ش پرەزيدەنتى دونالد ترامپ بۇرىنعى پرەزيدەنت باراك وبامانى 2016-جىلعى پرەزيدەنتتىك سايلاۋدا الاياقتىق جاسادى دەپ ايىپتادى.
بۇل تۋرالى ول Truth Social الەۋمەتتىك جەلىسىندەگى پاراقشاسىندا جازدى.
ترامپ Fox News ارناسىنىڭ ءجۋرناليسى حارريسون فيلدستىڭ وبامانىڭ سايلاۋ ناتيجەلەرىن بۇرمالاۋ ارەكەتتەرىن اشكەرەلەگەن ءسوزىن جوعارى باعالادى.
- Fox News- ءتىڭ جاس ءارى تالانتتى جۋرناليسى حارريسون فيلدس تاماشا جۇمىس اتقاردى. ساراپشىلار توبى وبامانى جانە جاڭا عانا جوعارى دەڭگەيدەگى سايلاۋ الاياقتىعى ءۇشىن اشكەرەلەنگەن «باندالاردى» سوتقا تارتۋدى ۇسىندى، - دەپ جازدى ترامپ.
سونىمەن قاتار ا ق ش پرەزيدەنتى ۇلتتىق بارلاۋ ديرەكتورى تۋلسي گابباردتى دا اتقارعان جۇمىسى ءۇشىن ماقتادى.
جۇما كۇنى ۇلتتىق بارلاۋ قىزمەتىنىڭ ديرەكتورى تۋلسي گاببارد 2016-جىلعى سايلاۋدا دونالد ترامپ جەڭىسكە جەتكەننەن كەيىن وباما اكىمشىلىگىنىڭ سايلاۋ ناتيجەلەرىن جوققا شىعارۋ ءۇشىن جالعان اقپارات تاراتپاق بولعانىن دالەلدەيتىن ەسەپ جاريالادى.
بۇعان دەيىن دونالد ترامپ The Wall Street Journal باسىلىمىنداعى ماقالاعا بايلانىستى مەدياماگنات رۋپەرت مەردوكقا قارسى تالاپ-ارىز تۇسىرگەن بولاتىن.