ترامپ پۋتينمەن اقپاننىڭ سوڭىنا دەيىن كەزدەسۋى مۇمكىن ەكەنىن مالىمدەدى
08:37, 19 - اقپان 2025
استانا. KAZINFORM - ا ق ش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن اقپاننىڭ سوڭىنا دەيىن كەزدەسۋى مۇمكىن ەكەنىن ايتتى، دەپ حابارلايدى BBC.
امەريكا پرەزيدەنتى فلوريداداعى مار- ا- لاگو رەزيدەنتسياسىنان شىعىپ بارا جاتقاندا، تىلشىلەردىڭ ءبىرى ودان كەزدەسۋ ايدىڭ سوڭىنا دەيىن بولا ما دەپ سۇرادى.
- مۇمكىن، - دەپ جاۋاپ بەردى ترامپ.
بۇعان دەيىن رەسەي پرەزيدەنتىنىڭ كومەكشىسى يۋري ۋشاكوۆ امەريكالىق جانە رەسەيلىك دەلەگاتسيالاردىڭ ەر- ريادتاعى كەلىسسوزدەرىنىڭ قورىتىندىسى بويىنشا پۋتين مەن ترامپتىڭ كەزدەسۋىنىڭ ناقتى كۇنىن اتاۋ قيىن ەكەنىن مالىمدەگەن.
ونىڭ ايتۋىنشا، كەزدەسۋدىڭ كەلەسى اپتادا ءوتۋى ەكىتالاي.
ەسكە سالساق، كەشە ساۋد ارابيا استاناسى ەر- رياد قالاسىندا ا ق ش پەن رەسەي دەلەگاتسياسى كەلىسسوزدەرى باستالعانىن حابارلادىق.