ترامپ تايلاند پەن كامبودجا پرەمەرلەرىنىڭ كەزدەسۋگە كەلىسكەنىن مالىمدەدى

استانا. KAZINFORM - تايلاند پرەمەر-ءمينيسترىنىڭ مىندەتىن اتقارۋشى پحۋمتام ۆەچاياچاي مەن كامبودجا پرەمەر-ءمينيسترى حۋن مانەت ەكى ەل اراسىنداعى قاقتىعىستى رەتتەۋ ماقساتىندا كەزدەسۋ وتكىزۋگە دايىن ەكەنىن جەتكىزدى. بۇل تۋرالى ا ق ش پرەزيدەنتى دونالد ترامپ مالىمدەدى، دەپ حابارلايدى DW.

«ولار شۇعىل كەزدەسىپ، اتىستى توقتاتۋ جوسپارىن تەز ازىرلەۋگە كەلىستى»، - دەپ جازدى ترامپ Truth Social جەلىسىندە ەكى ەلدىڭ ۇكىمەت باسشىلارىمەن تەلەفون ارقىلى سويلەسكەن سوڭ.

ا ق ش پرەزيدەنتى ا ق ش- تىڭ بۇل ەلدەرمەن ساۋدا قارىم-قاتىناسى بار ەكەنىن، الايدا قاقتىعىس جالعاسىپ جاتقان جاعدايدا ەشبىر تاراپپەن ساۋدا كەلىسىمى جاسالمايتىنىن اتاپ ءوتتى.

«ءبىز ەكى ەلمەن دە ساۋدا جاسايمىز، ءبىراق ولار سوعىسىپ جاتقاندا ەشقانداي مامىلە جاسامايمىز. مەن كۇردەلى جاعدايدى جەڭىلدەتۋگە تىرىسىپ وتىرمىن. بۇل سوعىستا كوپتەگەن ادام قازا تاۋىپ جاتىر»، - دەدى ول.

ترامپتىڭ ايتۋىنشا، تاراپتار بەيبىت كەلىسىمگە كەلگەن جاعدايدا، ا ق ش ساۋدا قاتىناستارىن قايتا جانداندىرۋعا ءازىر.

بۇعان دەيىن كامبودجا مەن تايلاند ب ۇ ۇ قاۋىپسىزدىك كەڭەسىنىڭ وتىرىسىندا ءوزارا تالاپتارىمەن الماستى.

ايتا كەتەيىك، 23- شىلدەدە شەكارا ماڭىندا مينا جارىلىسى بولىپ، تايلاندتىق ساربازدار جارالاندى. ال كەلەسى كۇنى شەكارادا اتىس بولىپ، بەيبىت تۇرعىندار اراسىندا قازا تاپقاندار بار.