ترامپ سولتۇستىك اتلانتيكالىق كەلىسىمنىڭ 5-بابىنا قاتىستى ۇستانىمىن ءتۇسىندىردى

استانا. KAZINFORM - ا ق ش پرەزيدەنتى دونالد ترامپ گااگادا بولعان كەزىندە سولتۇستىك اتلانتيكا كەلىسىمىنىڭ 5-بابىنا قاتىستى ۇستانىمىن ءتۇسىندىردى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

5-باپتا ناتو وداقتاسى قارۋلى شابۋىلدىڭ قۇربانى بولسا، سولتۇستىك اتلانتيكالىق اليانستىڭ ءاربىر مۇشەسى بۇل زورلىق-زومبىلىق ارەكەتىن بارلىق مۇشەلەرگە قارسى قارۋلى شابۋىل رەتىندە قاراستىرىپ، شابۋىلعا ۇشىراعان وداقتاسقا كومەكتەسۋ ءۇشىن ارەكەت ەتەتىنىن قاراستىرادى.

بۇعان دەيىن ءوز ۇشاعىمەن گااگاعا بارا جاتقاندا اقش پرەزيدەنتى ترامپ ۇجىمدىق قورعانىس پرينتسيپىن ساقتاي ما دەگەن سۇراققا ناقتى جاۋاپ بەرمەگەن.

الايدا بۇگىن تاڭەرتەڭ اق ءۇي باسشىسى ا ق ش- تىڭ 5-باپتى ورىنداۋ مىندەتتەمەسىن راستادى. ول جۋرناليستەردىڭ سۇراعىنا سوزبە- ءسوز: «ءبىز ولارمەن بىرگەمىز» دەپ جاۋاپ بەردى.

بۇعان قوسا، امەريكا پرەزيدەنتى ناتو- نىڭ باسقا مۇشەلەرىنىڭ قورعانىس شىعىندارىن %5-عا دەيىن ۇلعايتۋ تاسىلدەرىن «ۇلكەن جاڭالىق» دەپ اتادى.

ناتو- نىڭ بيۋدجەتىن ۇلعايتۋ جانە قورعانىس قابىلەتىن ارتتىرۋ - باس حاتشى مارك ريۋتتە «ترانسفورماتسيالىق» دەپ اتاعان اليانستىڭ قازىرگى ءسامميتىنىڭ نەگىزگى تارماعى.

ايتا كەتەيىك، بۇگىن گااگاداعى سولتۇستىك اتلانتيكالىق شارت ۇيىمى ءسامميتىنىڭ ەكىنشى نەگىزگى كۇنى.