ترامپ سايلاۋداعى جەڭىسىنەن كەيىن العاش رەت مالىمدەمە جاسادى

استانا. قازاقپارات - ا ق ش- تاعى پرەزيدەنت سايلاۋىنا رەسپۋبليكالىق پارتيا اتىنان قاتىسىپ، جەڭىسكە جەتكەن دونالد ترامپ فلوريدا شتاتىنداعى پالم- بيچتە العاشقى مالىمدەمەسىن جاسادى، دەپ حابارلايدى 24kz.

ساياسي تارتىستىڭ شەشۋشى ءبولىمى قۇبىلمالى 7 شتاتتا وتكەن. بۇلاردىڭ بارلىعىندا ترامپ العا شىقتى. وسىلايشا، ول كەلەسى پرەزيدەنت اتاندى.

«ترامپ ا ق ش- تىڭ 47- پرەزيدەنتتىگىنە قول جەتكىزۋ ارقىلى ءوز اتىن تاريحتا قالدىرعانى ءسوزسىز»، - دەيدى ساراپشىلار.

بۇعان ءبىر ەمەس، بىرنەشە سەبەپ بار. ترامپ ەكى رەت يمپيچمەنت داۋىنا قالعان، قىلمىستىق ءىس بويىنشا كىنالى دەپ تانىلعان، ا ق ش تاريحىندا ەكى رەت ايەل قارسىلاستى جەڭۋ ارقىلى سايلانعان ەڭ ەگدە جاستاعى پرەزيدەنت رەتىندە ەستە قالماق. ومىرىنە ەكى رەت قاستاندىق جاسالعانىن دا ايتا كەتۋ كەرەك.

دونالد ترامپ، ا ق ش پرەزيدەنتتىگىنە رەسپۋبليكاشىلار اتىنان ۇمىتكەر:

- امەريكا بىزگە بۇرىن-سوڭدى بولماعان كۇشتى ماندات بەردى. ءبىز سەناتقا قايتا باقىلاۋ ورناتتىق. ۋاۋ! بۇل كەرەمەت! سونداي-اق ءبىز وكىلدەر پالاتاسىن دا قاداعالاپ وتىراتىن سياقتىمىز. ءبىز قارىزداردان قۇتىلامىز. سالىقتى ازايتامىز. ەندى ءبىز ەشكىمنىڭ قولىنان كەلمەيتىن نارسەلەردى جاسايمىز. بىزدە ۇلكەن ءبىلىم، مىقتى جانە قۋاتتى اسكەر بار. ءبىراق ەڭ جاقسىسى، اسكەردى ەش جەردە قولدانباساق. بىزدە سوعىس جوق.