ترامپ ۆەنستى ا ق ش ۆيتسە-پرەزيدەنتى لاۋازىمىنا تاعايىندالۋىمەن قۇتتىقتادى

استانا. KAZINFORM - ا ق ش سايلاۋىندا جەڭىسكە جەتكەن دونالد ترامپ 39 جاستاعى دجەي دي ۆەنستى ۆيتسە-پرەزيدەنت قىزمەتىمەن قۇتتىقتادى.

وگايو شتاتىنىڭ بۇرىنعى سەناتورى، 39 جاستاعى دج. د. ۆەنس ا ق ش-تىڭ ۆيتسە-پرەزيدەنتى بولادى.

ا ق ش ۆيتسە-پرەزيدەنتىنە ۇمىتكەر رەتىندەگى العاشقى سوزىندە ۆەنس ترامپپەن بىرگە «امەريكانى قايتادان ۇلى ەل ەتۋگە» ۋادە بەردى.

ول سونداي-اق ەلدىڭ شەتەلدىك جۇمىس كۇشى مەن ەنەرگياعا تاۋەلدىلىگىن توقتاتۋعا، سونداي-اق اسكەري كومەكتى قايتا قاراۋعا ۋادە بەردى.

- ءبىز بىرگە وداقتاستارىمىزدىڭ الەمدەگى بەيبىتشىلىكتى قامتاماسىز ەتۋ اۋىرتپالىعىن بولىسەتىنىنە كوز جەتكىزەمىز. امەريكالىق سالىق تولەۋشىلەردىڭ جومارتتىعىن تەرىس پايدالاناتىن ەلدەر ءۇشىن ەندى ەشتەڭە تەگىن بولمايدى، - دەپ اتاپ ءوتتى ۆەنس.

ەستەرىڭىزگە سالا كەتەيىك، وگايو شتاتىنىڭ سەناتورى دج. د. ۆەنس رەسپۋبليكالىق پارتيانىڭ ۇلتتىق كونۆەنتسياسىندا ا ق ش ۆيتسە-پرەزيدەنتىنە كانديداتۋراسىن رەسمي تۇردە مويىنداعان بولاتىن.

وسىعان دەيىن دونالد ترامپتىڭ اقش- تاعى پرەزيدەنت سايلاۋىندا جەڭىسكە جەتكەنىن جازدىق.