ترامپ پەن حارريس داۋىس بەرۋ الدىندا سايلاۋشىلارمەن سوڭعى كەزدەسۋلەرىن وتكىزدى

استانا. KAZINFORM - ا ق ش- تاعى پرەزيدەنتتىك سايلاۋدا داۋىس بەرۋگە ساناۋلى ساعاتتار قالدى. مەملەكەتتەگى ەڭ جوعارى لاۋازىمعا ۇمىتكەرلەر قۇبىلمالى شتاتتاردا سايلاۋشىلارمەن سوڭعى كەزدەسۋلەرىن وتكىزدى، دەپ حابارلايدى Euronews.

رەسپۋبليكالىق پارتيادان كانديدات دونالد ترامپ سولتۇستىك كارولينا، پەنسيلۆانيا جانە ميچيگاندا ءسوز سويلەدى. باستى تاقىرىپتاردىڭ ءبىرى - زاڭسىز كوشى- قون بولدى.

ترامپ ەگەر مەكسيكا ۇكىمەتى شەكارا ارقىلى ميگرانتتار اعىنىن توقتاتپاسا، مەكسيكادان كەلەتىن بارلىق يمپورتقا 25 پايىزدىق باج سالىعىن ەنگىزۋ جوسپارىن جاريالادى.

دەموكرات كامالا حارريس سايلاۋ ناۋقانىنىڭ سوڭعى كۇنى پەنسيلۆانياعا باردى. ۆيتسە- پرەزيدەنت سكرانتون، اللەنتاۋن، رەدينگ، پيتتسبۋرگ جانە فيلادەلفيادا ءسوز سويلەدى.

ترامپ پەن ءحارريستىڭ سايلاۋ شتابتارى پەنسيلۆانيانى ەڭ ماڭىزدى شتات رەتىندە قاراستىرادى، ويتكەنى ول سايلاۋشىلاردىڭ ەڭ كوپ داۋىسىنا يە - 19.

پرەزيدەنتتىك باسەكەدە ءالى دە ايقىن فاۆوريت جوق. اتاپ وتىلگەندەي، سايلاۋ قورىتىندىسىن بولجاۋ مۇمكىن ەمەس.

ەسكە سالا كەتسەك، 5-قاراشادا ا ق ش- تا پرەزيدەنتتىك سايلاۋ وتەدى.

بۇعان دەيىن ا ق ش- تاعى پرەزيدەنت سايلاۋى قازاقستانعا قالاي اسەر ەتۋى مۇمكىن ەكەنىن تالداپ كورگەن بولاتىنبىز.