ترامپ مەملەكەتتىك دەپارتامەنت پەن ۇلتتىق بارلاۋ باسقارماسىنىڭ باسشىلارىن تاعايىندادى

استانا KAZINFORM – ا ق ش- تىڭ جاڭادان سايلانعان پرەزيدەنتى دونالد ترامپ فلوريدا شتاتىنىڭ سەناتورى ماركو رۋبيونى ءوزىنىڭ بولاشاق اكىمشىلىگىندەگى مەملەكەتتىك دەپارتامەنتتىڭ باسشىسى ەتىپ تاعايىندادى، دەپ جازادى Ewronews.

بۇرىن رۋبيو قىتاي، يران جانە كۋبانى قوسا العاندا، امەريكانىڭ «گەوساياسي جاۋلارىنا» قاتىستى ا ق ش- تىڭ سىرتقى ساياساتىن قاتاڭداتۋدى جاقتاعان.

سونىمەن قاتار، كونسەرۆاتيۆتى Fox News كوممەنتاتورى جانە بۇرىنعى كونگرەسسمەن تالسي گاببارد ۇلتتىق بارلاۋ ديرەكتورى قىزمەتىنە كوتەرىلدى.

بۇعان دەيىن ترامپ ءوزىنىڭ بولاشاق اكىمشىلىگىنە العاشقى تاعايىنداۋلاردى جاريالاعان بولاتىن. سودان كەيىن ول پەنتاگون مەن سرۋ- دىڭ جاڭا باسشىلارىن اتادى جانە ماسكقا ۇكىمەتتىڭ تيىمدىلىك دەپارتامەنتىن باسقارۋدى ۇسىندى.

اۆتور

ەركەجان سماعۇلوۆا