ترامپ مامىر ايىندا ساۋد ارابياسى، قاتار جانە ب ءا ا- گە باراتىنىن مالىمدەدى

استانا. KAZINFORM - ا ق ش ەكونوميكاسىنا قۇنى 1 تريلليون دوللار بولاتىن ينۆەستيتسيالىق كەلىسىمگە قول قويىلادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

 ا ق ش پرەزيدەنتى دونالد ترامپ دۇيسەنبى كۇنى مامىر ايىنىڭ ورتاسىندا ساۋد ارابياسىندا ينۆەستيتسيالىق كەلىسىمگە قول قويۋدى جوسپارلاپ وتىرعانىن ايتتى.

بۇل ونىڭ ەكىنشى پرەزيدەنتتىك مەرزىمىندەگى العاشقى شەتەلدىك ساپارى بولماق. قاتار مەن بىرىككەن اراب امىرلىكتەرىنە بارۋ دا جوسپارلانعان.

- بۇل كەلەسى ايدا، مۇمكىن ءسال كەيىنىرەك بولۋى مۇمكىن، - دەدى ترامپ سوپاق كەڭسەدە جۋرناليستەرگە.

ساۋد ارابياسى ا ق ش، رەسەي جانە ۋكراينا اراسىنداعى اتىستى توقتاتۋعا قول جەتكىزۋ ءۇشىن كەلىسسوزدەردە دەلدال رەتىندە ارەكەت ەتىپ، ا ق ش- تىڭ سىرتقى ساياساتىندا بارعان سايىن ماڭىزدى ءرول اتقارىپ كەلەدى.

بۇل ساپار ەر-ريادتىڭ ا ق ش ەكونوميكاسىنا، سونىڭ ىشىندە اسكەري تەحنيكا ساتىپ الۋعا 1 تريلليون دوللاردان استام ينۆەستيتسيا سالۋى تۋرالى كەلىسىم جاساۋعا باعىتتالعان. ترامپ ءدال وسىنداي كەلىسىمدەرگە قاتار مەن ب ا ءا- دە دە قول قويىلادى دەپ بولجادى.

رەيتەر اگەنتتىگىنە سىلتەمە جاساعان دەرەككوزدىڭ حابارلاۋىنشا، تالقىلانۋى مۇمكىن باسقا تاقىرىپتارعا ۋكراينا مەن گازا سەكتورىنداعى قاقتىعىستار جاتادى.

- مەملەكەت باسشىسىنىڭ حالىقارالىق ساپارعا شىعۋ مۇمكىندىگى قاراستىرىلىپ جاتىر. ازىرگە بىزدە ناقتى جوسپار جوق، بۇل اقپاراتتى رەسمي تۇردە راستالعان كەزدە بەرەمىز، - دەدى اق ءۇيدىڭ باسپا ءسوز حاتشىسى.

2017 -جىلى ءوزىنىڭ ءبىرىنشى مەرزىمىندە ترامپ ساۋد ارابياسى مەن يزرايلدى يناۋگۋراتسيالىق شەتەل ساپارىنىڭ العاشقى ايالداماسىنا اينالدىردى.

امەريكا پرەزيدەنتى كەلىسىمدەرگە قوسىلعىسى كەلەتىن ەلدەردىڭ سانى ارتىپ وتىرعانىن ايتتى. اق ءۇي جاڭا كەلىسىمدەردىڭ ىقتيمال قاتىسۋشىسى رەتىندە ساۋد ارابياسىن ەرەكشە اتاپ ءوتتى، ءبىراق ساۋد ارابياسى گازا سەكتورىنداعى قاقتىعىسقا بايلانىستى وسى ۋاقىتقا دەيىن سابىرلىلىق تانىتتى.

بۇعان دەيىن ترامپ ءۇشىنشى مەرزىمگە سايلاۋعا ءتۇسۋ مۇمكىندىگىن جوققا شىعارمايتىنىن بىلدىرگەن بولاتىن.

اۆتور

ەركەجان سماعۇلوۆا