ترامپ ۋكراينا مەن رەسەي تۋرالى تاعى مالىمدەمە جاسادى

استانا. KAZINFORM - ا ق ش پرەزيدەنتى دونالد ترامپ NBC News ارناسىنا سۇحبات بەردى. ول ءۇشىنشى مەرزىمگە سايلاۋعا ءتۇسۋدى جوسپارلامايتىنىن ايتتى جانە ۋكراينا مەن رەسەي اراسىنداعى بەيبىت كەلىسىم مۇمكىندىگى تۋرالى پىكىر ءبىلدىردى، دەپ حابارلايدى Euronews.

ۋكرايناعا بەيبىتشىلىك جاقىن با؟ اق ءۇي باسشىسى NBC News تىلشىسىمەن سويلەسكەن كەزدە ۋكراينا مەن رەسەي اراسىنداعى بەيبىتشىلىك قول جەتىمسىز بولۋى مۇمكىن دەپ مالىمدەدى. دەگەنمەن ول كەلىسىمگە كەلەتىن ۋاقىت «جاقىن» بولۋى مۇمكىن دەپ تە ويلايدى.

امەريكالىق كوشباسشى ۆاشينگتوننىڭ كەلىسسوزدەن شىعۋى مۇمكىن ەكەنىن تاعى دا جوققا شىعارمادى. ءبىراق كەلىسىمگە قول قويۋعا ءالى دە «وتە جاقسى مۇمكىندىك» بار ەكەنىن اتاپ ءوتتى.

بۇرىن حابارلانعانداي، ۆلاديمير زەلەنسكي ۆلاديمير ءپۋتيننىڭ 7-9-مامىر ارالىعىندا ءۇش كۇنگە ءبىتىم جاريالاۋ تۋرالى ۇسىنىسىن قابىلدامادى.

سونىمەن قاتار ا ق ش پەن ۋكراينا پايدالى قازبالار تۋرالى كەلىسىمگە قول قويدى.

رەسەي ا ق ش- تىڭ ۋكراينا بويىنشا كەلىسسوزدەردەن شىعۋ مۇمكىندىگىنە پىكىر ءبىلدىردى.

ترامپ سونىمەن بىرگە 2028 -جىلى ءۇشىنشى پرەزيدەنتتىك مەرزىمگە سايلاۋعا ءتۇسۋدى جوسپارلامايتىنىن ايتتى. ول قازىر ۆيتسە- پرەزيدەنت دجەي دي ءۆەنستى رەسپۋبليكاشىلدار اتىنان كانديدات رەتىندە كورەتىنىن مالىمدەدى.

- مەن ءتورت جىلدى جاقسى وتكىزىپ، سودان كەيىن ونى باسقا بىرەۋگە، ەڭ دۇرىسى رەسپۋبليكاشىلعا، ۇلى رەسپۋبليكاشىلعا تاپسىرۋدى اسىعا كۇتەمىن.. . ءتورت جىل شىنىمەن دە اۋىز تولتىرىپ ايتارلىقتاي ءىس اتقارۋ ءۇشىن جەتكىلىكتى مەرزىم. بۇل تۋرالى ايتۋ ءالى ەرتە (مۇراگەر تۋرالى)، ءبىراق مەندە ۆيتسە- پرەزيدەنت بار... دجەي دي كەرەمەت جۇمىس ىستەپ جاتىر، - دەدى ا ق ش پرەزيدەنتى.