ترامپ ۋكراينا بويىنشا كەلىسىمدەرگە قول جەتكىزۋ ءۇشىن 50 كۇندىك مەرزىمدى قىسقارتادى

استانا. KAZINFORM - دونالد ترامپ ۋكرايناداعى رەتتەۋ تۋرالى كەلىسىمگە كەلۋ ءۇشىن بۇرىن ماسكەۋ مەن ۆاشينگتونعا بەلگىلەگەن 50 كۇندىك مەرزىمدى قىسقارتۋدى جوسپارلاپ وتىر، دەپ حابارلايدى Kazinform تاسس اقپارات اگەنتتىگىنە سىلتەمە جاساپ.

- مەن وسى 50 كۇندى ودان ازىراق سانعا دەيىن قىسقارتامىن. ويتكەنى مەن جاۋاپتى بىلەمىن دەپ ويلايمىن، نە بولاتىنىن بىلەمىن، - دەدى ا ق ش پرەزيدەنتى تەرنبەرريدە (شوتلانديا) ۇلى بريتانيا پرەمەر-ءمينيسترى كەير ستارمەرمەن كەزدەسۋدە جۋرناليستەردىڭ سۇراقتارىنا جاۋاپ بەرە وتىرىپ.

سونىمەن بىرگە ترامپ ۋكراينا بويىنشا كەلىسىمدى 4-5 رەت ازىرلەۋگە بولاتىن ەدى دەگەن پىكىرىن ءبىلدىردى.

- مەن پرەزيدەنت پۋتينمەن كوپ سويلەستىم، ونىمەن جاقسى ارالاستىم. ءبىز مۇنى شەشتىك دەپ تالاي رەت ويلادىق، - دەيدى اق ءۇي باسشىسى.

ءوز كەزەگىندە ترامپ جاعدايدىڭ قالاي داميتىنىن جۋىق ارادا كورەتىنىن ايتتى.

14- شىلدەدە امەريكا پرەزيدەنتى ەگەر ۆاشينگتون مەن ماسكەۋ 50 كۇن ىشىندە ۋكرايناداعى رەتتەۋ تۋرالى كەلىسىمگە كەلمەسە، ا ق ش رەسەي مەن ونىڭ ساۋدا سەرىكتەستەرىنە شامامەن 0 يمپورتتىق باج سالىعىن ەنگىزەتىنىن جەتكىزدى. ول سونداي-اق ەگەر ەۋروپا مۇنداي جەتكىزىلىمدەردى تولەيتىن بولسا، ۆاشينگتون كيەۆكە قارۋ-جاراق پەن اسكەري تەحنيكانى بەرۋدى جالعاستىرۋ تۋرالى شەشىم قابىلداعانىن تىلگە تيەك ەتتى.

- بۇل ۇدەرىستى ۇيلەستىرۋدى ناتو جۇزەگە اسىرادى، - دەپ ءتۇسىندىردى اق ءۇي باسشىسى.