ترامپ كانادا يمپورتىنا 35 پايىزدىق باج سالىعىن ەنگىزەتىنىن ايتتى
استانا. KAZINFORM - دونالد ترامپ ا ق ش كەلەسى ايدان باستاپ كانادادان كەلەتىن بارلىق يمپورتقا 35 پايىزدىق باج سالىعىن ەنگىزەتىنىن مالىمدەدى، بۇل ونىڭ نەگىزگى ساۋدا سەرىكتەسىمەن قارىم-قاتىناستاعى شيەلەنىستى تاعى دا ۋشىقتىردى، دەپ حابارلايدى NBC News.
- كانادا ا ق ش- پەن جۇمىس ىستەۋدىڭ ورنىنا ءوز تاريفتەرىمەن جاۋاپ بەردى. 2025-جىلدىڭ 1-تامىزىنان باستاپ ءبىز ا ق ش- قا جونەلتىلەتىن كانادالىق تاۋارلارعا بارلىق سالالىق تاريفتەردەن بولەك 5 باج سالىعىن ەنگىزەمىز، - دەپ جازدى دونالد ترامپ Truth Social باسىلىمىندا.
كانادا وتكەن جىلى 410 ميلليارد دوللاردان استام تاۋار يمپورتتاعان ا ق ش- تىڭ ەڭ ءىرى ساۋدا سەرىكتەستەرىنىڭ ءبىرى. الايدا، ەكى ەل اراسىنداعى ساۋدا قارىم-قاتىناستارى ناۋرىز ايىندا پرەمەر-مينيستر مارك كارني قىزمەتىنە كىرىسكەننەن كەيىن شيەلەنىسە ءتۇستى.
كانادا بولاتتىڭ كەيبىر تۇرلەرىنە كۆوتادان اساتىن يمپورتقا P ۇستەمە اقى ەنگىزۋ ارقىلى ارەكەت ەتتى. كانادانىڭ قارجى ءمينيسترى ۇكىمەت ءوز سالاسىن «اقش- تىڭ ادىلەتسىز تاريفتەرىنەن» قورعاۋ ءۇشىن ارەكەت ەتىپ جاتقانىن ايتتى.
ماۋسىم ايىنىڭ سوڭىندا ترامپ كانادادا 30-ماۋسىمعا دەيىن ەنگىزىلەتىن سيفرلىق قىزمەت سالىعىنا سىلتەمە جاساي وتىرىپ، كانادامەن بارلىق ساۋدا كەلىسسوزىن اياقتايتىنىن جاريالادى.
كارني 29-ماۋسىمدا كانادانىڭ سيفرلىق قىزمەتتەرىنە سالىناتىن سالىقتى الىپ تاستاعاننان كەيىن، ەكى كوشباسشى تەلەفون ارقىلى سويلەسىپ، 21-شىلدەگە دەيىن ساۋدا كەلىسىمىنە قول جەتكىزۋگە كەلىستى.
ترامپ سيفرلىق قىزمەتتەرگە سالىناتىن سالىقتى ا ق ش پەن ونىڭ تەحنولوگيالىق الپاۋىتتارىنا «شابۋىل» دەپ اتادى. سالىق كانادالىق ينتەرنەت پايدالانۋشىلاردان 15 ميلليون دوللاردان استام تابىس تاپقان كەز كەلگەن تەحنولوگيالىق كومپانياعا قولدانىلاتىن ەدى. ا ق ش- تىڭ كەيبىر ءىرى تەحنولوگيالىق كومپانيالارىنا ارنالعان لوببي توبى سالىق ولاردى 30-ماۋسىمدا 3 ميلليارد دوللارعا دەيىن تولەۋگە ءماجبۇر ەتەتىنىن ايتتى.
- ەگەر كانادا مەنىمەن فەنتانيل اعىنىن توقتاتۋ ءۇشىن ىنتىماقتاساتىن بولسا، ءبىز بۇل حاتقا تۇزەتۋ ەنگىزۋدى قاراستىرۋىمىز مۇمكىن، - دەپ جازدى ترامپ حاتىنىڭ سوڭىندا.
بۇعان دەيىن ترامپ برازيلياعا 50 پايىزدىق باج سالىعىن ەنگىزۋدى جوسپارلاپ وتىرعانى حابارلانعان بولاتىن.