ترامپ: حارريس دجو بايدەننىڭ ناۋقانىنا بولىنگەن اقشانى الۋعا قۇقى جوق

استانا. قازاقپارات - ا ق ش- تاعى پرەزيدەنتتىك سايلاۋ جاقىنداعان سايىن ەلدەگى ساياسي دودا قىزا ءتۇستى دەپ حابارلايدى 24kz.

دجو بايدەننىڭ سايلاۋعا قاتىسپايتى بەلگىلى بولعان سوڭ، ونىڭ ورنىنا ۇمىتكەر كامالا حارريس پەن دونالد ترامپ اراسىندا باسەكە باستالدى. ءتىپتى بۇرىنعى پرەزيدەنت جاقتاستارى حارريسكە جاڭا ايىپ تاعىپ ۇلگەردى. بۇگىن دونالد ترامپتىڭ سايلاۋالدى شتابى كامالا حارريسكە قارسى ەلدىڭ فەدەرالدى سايلاۋ كوميسسياسىنا شاعىم ءتۇسىرىپ، ول سايلاۋالدى قارجىنى زاڭسىز يەمدەنۋدى كوزدەپ وتىر دەپ مالىمدەدى.

ايتۋىنشا، حارريس دجو بايدەننىڭ ناۋقانىنا بولىنگەن اقشانى الۋعا قۇقى جوق. ال ساراپشىلار بولسا: «ۇمىتكەردىڭ دوداعا قاتىسۋ ءۇشىن ءتيىستى مولشەردە قارجى جينالماسا، سايلاۋدىڭ تاعدىرىن شەشىپ كەتۋى مۇمكىن»، دەيدى.

مينا بوس، حوفسترا ۋنيۆەرسيتەتى قوعامدىق ساياسات جانە قىزمەت باعدارلامالارىنىڭ اتقارۋشى دەكانى:

- ەستەرىڭىزدە بولسا، 2020 -جىلى كامالا حارريس باسەكەگە تۇسەردە سايلاۋالدى ناۋقانىنا ءتيىستى قارجى مەن داۋىس جيناي الماي، قينالعان ەدى. سوندىقتان قازىرگى ماسەلە ايەل ادامنىڭ ا ق ش پرەزيدەنتى بولا الاتىنىندا ەمەس. ول حارريستىڭ پرەزيدەنتتىك باسەكەدە جەڭىسكە جەتە الادى ما دەگەنگە سايادى.

ترامپتىڭ سايلاۋالدى شتابىنىڭ باس كەڭەسشىسى دەۆيد ۋوررينگتىڭ ايتۋىنشا، ءبىر پرەزيدەنتتەن ەكىنشى پرەزيدەنتكە 91 ميلليون دوللاردىڭ ءوتۋى اقىلعا قونىمسىز. بايدەن شتابى شىلدەنىڭ باسىندا 240 ميلليون قاراجات جينالعانىن حابارلاسا، ترامپ كەڭسەسى ول سومانىڭ 331 ميلليون دوللاردان اسقانىن مالىمدەدى.

مينا بوس، حوفسترا ۋنيۆەرسيتەتى قوعامدىق ساياسات جانە قىزمەت باعدارلامالارىنىڭ اتقارۋشى دەكانى:

- مەنىڭ ويىمشا، ۆيتسە- پرەزيدەنت حارريس از ۋاقىت ىشىندە كوپ بەتبۇرىس جاساۋعا جاقسى مۇمكىندىكتەرگە يە. ول قانشا دەگەنمەن، پرەزيدەنتتىك سايلاۋ ناۋقانىنا قاتىسقان ادام عوي. دەموكراتتاردا ءتورت اپتا ۋاقىت بار. وسى ارالىقتا ولار ءبىر كانديداتتى، ياعني، ۆيتسە-پرەزيدەنت حارريسكە بارلىعى قولداۋ ءبىلدىرىپ، 1968 -جىلدان بەرى كورمەگەن اشىق كونۆەنتسيا وتكىزۋ كەرەك.

«رەيتەر» اگەنتتىگى ساۋالناماسى كامالا حارريستىڭ دونالد ترامپتان وزا باستاعانىن كورسەتتى. اگەنتتىك كەلتىرگەن مالىمەتكە سۇيەنسەك، امەريكالىق سايلاۋشىلاردىڭ % 42- ءى ترامپتى، ال % 44- ءى حارريستى قولداپ وتىر. «دەگەنمەن، دەموكراتتىڭ جەڭىسكە جەتۋى ءۇشىن سايلاۋ ناۋقانىنا قاجەتتى قاراجاتتىڭ جانە دونورلاردىڭ كوبەيۋى اسا ماڭىزدى»، - دەيدى ساراپشىلار.

اۆتورى: تالعات المانوۆ