ترامپ ءدارى-دارمەك باعاسىن 80 پايىزعا دەيىن تومەندەتپەك
ا ق ش پرەزيدەنتى دونالد ترامپ رەتسەپت بويىنشا بەرىلەتىن فارماتسيەۆتيكالىق پرەپاراتتاردىڭ قۇنىن %30- 80- عا دەيىن تومەندەتەتىن جارلىققا قول قويۋدى جوسپارلاپ وتىر، دەپ حابارلايدى Kazinform مەنشىكتى ءتىلشىسى.
ا ق ش باسشىسى ەلدەگى ءدارى- دارمەكتىڭ باعاسى «كەز كەلگەن باسقا ەلگە قاراعاندا الدەقايدا قىمبات ەكەنىن، كەيدە ءتىپتى بەس-ون ەسە جوعارى ەكەنىن» ايتىپ، «بۇل جاعدايدى ءتۇسىندىرۋ قاشان دا قيىن بولعانىن، سەبەبى ناقتى جاۋابى جوق» ەكەنىن جەتكىزدى.
- فارماتسيەۆتيكالىق كومپانيالار كوپ جىلدار بويى بۇل باعانى زەرتتەۋلەر مەن ازىرلەمەلەرگە جۇمسالعان شىعىندارمەن بايلانىستىرىپ كەلدى. الايدا بارلىق شىعىن ەش سەبەپسىز تەك حالىقتىڭ قالتاسىنا جۇكتەلىپ كەلدى، - دەپ جازدى دونالد ترامپ Truth Social جەلىسىندە.
پرەزيدەنت فارمكومپانيالاردىڭ سايلاۋالدى ناۋقانعا بەرگەن دەمەۋشىلىكتەرى وزىنە دە، رەسپۋبليكالىق پارتياعا دا اسەر ەتپەيتىنىن اتاپ ءوتتى.
- ءبىز ءادىل شەشىم قابىلدايمىز. ەرتەڭ تاڭعى ساعات 9:00-دە اق ۇيدە ەلىمىزدىڭ تاريحىنداعى ەڭ ماڭىزدى اتقارۋشى جارلىقتاردىڭ بىرىنە قول قوياتىنىمدى قۋانا حابارلايمىن. رەتسەپتپەن بەرىلەتىن ءدارى-دارمەكتەر مەن وزگە دە فارماتسيەۆتيكالىق ونىمدەردىڭ باعاسى بىردەن 0-80- عا دەيىن تومەندەيدى، - دەدى ترامپ.
ونىڭ ايتۋىنشا، بۇل قادام «كوپ جىلدان بەرگى العاشقى ادىلەتتىلىك» بولادى جانە ا ق ش ازاماتتارىنىڭ دەنساۋلىق ساقتاۋ سالاسىنا كەتەتىن شىعىندارى «بۇرىن-سوڭدى بولماعان دەڭگەيدە» قىسقارادى.
اتالعان جارلىق ا ق ش دەنساۋلىق ساقتاۋ جانە الەۋمەتتىك قىزمەتتەر مينيسترلىگىنە (ءمينيسترى - روبەرت كەننەدي- كىشى) بايدەن اكىمشىلىگى ينفلياتسيانى تومەندەتۋ تۋرالى زاڭ اياسىندا ەنگىزگەن Medicare ءدارى-دارمەك باعاسى بويىنشا كەلىسسوزدەر باعدارلاماسىنا قاتىستى تۇسىنىكتەمەلەر جيناۋدى مىندەتتەيدى. بۇل باعدارلاما Medicare جۇيەسىنە فارمكومپانيالارمەن باعا بويىنشا تىكەلەي كەلىسسوز جۇرگىزۋگە مۇمكىندىك بەرەدى، دەپ حابارلايدى Fox News.
بۇعان دەيىن ترامپ پرەزيدەنتتىككە كەلگەن ساتتەن باستاپ قانداي ۋادەلەرىن ورىنداعانى جاريالانعان بولاتىن.