ترامپ اق ۇيدە UFC جەكپە-جەگىن وتكىزبەك

ا ق ش تاۋەلسىزدىگى كۇنىنە وراي اق ۇيدە UFC جەكپە-جەگى وتەدى. بۇل تۋرالى دونالد ترامپ ايوۆا شتاتىنداعى قۇتتىقتاۋ سوزىندە مالىمدەدى.

بيىل 4-شىلدەدە ا ق ش ۇلى بريتانيادان ەگەمەندىك العانى- نىڭ 249 -جىلدىعىن اتاپ وتەدى. ەلدە جىل بويىنا ارنالعان ءىس-شارالار جەلىسى باستالادى. ۆاشينگتوندا اسكەري جانە مادەني شەرۋلەر مەن مەرەكەلىك كونسەرت ۇيىمداستىرىلىپ، قالا تۇرعىندارى مەن قوناقتارى 17 مينۋتتىق وتشاشۋدى تاماشالايدى. مۋزەيلەر مەن قوعامدىق ۇيىمدار ارنايى شارالار دايىنداعان. قالا بيلىگى جۇزدەگەن مىڭ قوناق كەلەدى دەپ بولجاپ وتىر.

مەرەكەگە وراي ۆاشينگتوندا قاۋىپسىزدىك كۇشەيتىلگەن. تاياۋ شىعىستاعى جاعدايعا بايلانىستى قۇزىرلى ورگاندار 22 -قىركۇيەككە دەيىن لاڭكەستىك جاعدايعا قارسى قاتاڭ دايىندىق رەجيمىندە جۇمىس ىستەۋگە كوشىرىلگەن.

 ەشلي كون، تۇرعىن:

- تاۋەلسىزدىك كۇنى ءبىزدىڭ وتباسى ءۇشىن وتە ماڭىزدى مەرەكە. اتا-انام اسكەري ادامدار بولعان سوڭ وتانسۇيگىشتىكتى كىشكەنتايىمىزدان بويىمىزعا ءسىڭىرىپ وستىك. ەلىمىزدىڭ استاناسىنا سوناۋ تەحاستان وسى مەرەكەنى اتاپ ءوتۋ ءۇشىن ارنايى كەلدىك.

رەدل، تۇرعىن:

- ادەتتە تاۋەلسىزدىك كۇنىن وتشاشۋ، شەرۋ جانە مول داستارحانمەن اتاپ وتەمىز. بۇل وتباسىڭمەن، ەت جاقىندارىڭمەن باس قوساتىن مەرەكە. ەلىمىزدىڭ ەگەمەندىگىن قادىر تۇتىپ، ۇلىقتايمىز. بيىل ەرەكشە تويلاعىمىز كەلەدى.

 https://24.kz